प्रधानमन्त्री ओली भन्छन् – देशलाई आधुनिक र समृद्ध बनाउन चाहन्छौं

काठमाडौँ ।    नेपाल कम्युनिस्ट पार्टीले कमलादीस्थित प्रज्ञा भवनमा ७० औँ एकता दिवस मनाइरहेको छ । सोही अवसरमा बोल्दै प्रधानमन्त्री तथा नेपाल कम्यूनिष्ट पार्टीका अध्यक्ष केपी शर्मा ओलीले पृथकतावादी राजनीति सकिएपछि के गर्ने भन्ने विषयमा केही तत्वहरु आत्तिएको बताउनु भएको छ ।

प्रधानमन्त्री ओलीले देशलाई आधुनिक र समृद्ध बनाउन चाहेको र त्यसको लागि तयारी भइसकेको समेत बताउनु भएको छ । आधुनिकिकरणको लागि देशलाई डिजिटल यात्रा तय गरेको बताउँदै उनले भने  ‘विद्यालय स्तरबाटै डिजिटल यात्रा सुरु गरी सकेको छ’   ।

गरिबी निर्वारण गर्ने हाम्रो अभियान हो, भन्दै प्रधानमन्त्री ओलीले सबैलाई समृद्धितिर उन्मूख हुन आग्रह गरेका छन् । ऐतिहासिक रुपमा बहुमतको सरकार भएको बेलामा परिवर्तन हुन सहज हुने भन्दै आफ्नो पार्टीको नेतृत्वमा अहिले सकारात्मक परिवर्तन तर्फ उन्मुख हुन आवश्यक रहेको बताउनु भएको छ । आफु नेतृत्वमा भएको बेलामा नै ४० ओटा तुइन विस्तावित भएको बताउदै देशमा नयाँपन आइसकेको बताउनु भयो ।

पछिल्लो समय देशमा धेरै किसिमका सकारात्मक परिवर्तन भएको र जसको नेतृत्व हाम्रो पार्टीले गरीरहेको छ, त्यो पनि सफलतापूर्वक उनले भने । राम्रो काम गर्दा गर्दै पनि सरकार कहाँ चुक्छ र बोलु भन्ने तत्व सक्रिय भएको भन्दै उनले स–सानाकुरा कहा चुक्छ र उचाल्न पाइन्छ भन्नेहरुलाई जितेको बताएका हुन् । हामी साना तिनाकुराहरुमा अल्झिने होइन भन्दै प्रधानमन्त्री ओली देशलाई सधै गरिब बनाएर राख्न नहुने र देश सबल बनाउनको लागि नेकपा नेतृत्वको पार्टी सक्रिय भएर लाग्नु पर्ने तर्क राखेका छन् ।

कार्यक्रममा बोल्दै अध्यक्ष ओलीले पार्टी एकताको लागि प्रचण्डले गरेकाे योगदान अतुलनीय रहेको बताएका छन् । उनले भने ‘सायद प्रचण्ड जी लचक नभइदिएको भए अथवा पार्टी एकताको विषयलाई सिरियस नलिएको भए एकता सफल हुन नसक्ने भन्दै धन्यवाद समेत दिएका छन् ।