दलहरुकाे अन्तिम चुनावी सभा भक्तपुरमा: आज रातिदेखि माैन अवधि सुरु

काठमाडौं : यही संसिर १४ गते तीन ओटै तहकाे उपनिर्वाचन सम्पन्न हुँदै छ । निर्वाचन आयो’गका अनुसार एक प्रतिनिधि सभा, तीन प्रदेश सभा र स्थानीय तह अन्तर्गत उपमहानगर प्रमुख एक, अध्यक्ष तीन, उपाध्यक्ष एक र वडाअध्यक्ष ४३ गरी ५२ पदका लागि पनि उपनिर्वाचन हुँने भएकाे हाे । यही निर्वाचनलाई लक्षि’त गरी उपनिर्वाचन परिणाम आफ्नो पुक्षमा पार्न प्रमुख दलका शीर्ष नेताहरू अन्तिम दौ’डधुपमा छन्। आज बुधबार रातिदेखि मौ’न अवधि सुरु हुँदै छ । सत्तासीन नेकपा र विपक्षी कांग्रेसका शीर्ष नेता चुनावी सभा सम्पन्न गरी राजधानी फर्केका छन्। उनीहरुकाे आज राजधानीमै अन्तिम चुनावी सभालाई सम्बाेधन गर्ने कार्यक्रम रहेकाे छ ।

दलहरूले बुधबार भक्तपुरमा अन्तिम चुनावी सभा गर्ने भएका छन् । नेकपाको चुनावी सभालाई अध्यक्ष पुष्पकमल दाहाल र नेता सुवास नेम्वाङले सम्बोधन गर्ने कार्यक्रम छ। यस्तै उपत्यकाबाहिरका चुनावी सभा सम्पन्न गरेर मंगलबार काठमाडौं फर्केका कांग्रेस सभापति शेरबहादुर देउवाले पनि बुधबार भक्तपुरमा पार्टीको चुनावी सभामा सम्बोधन गर्नेछन्। देउवाले पोखरा, बागलुङ, दाङ र धरानका चुनावी सभालाई सम्बोधन गरेका थिए। भक्तपुरमा कांग्रेस र राप्रपा (संयुक्त) को संयुक्त चुनावी सभा छ। सभमा राप्रपा संयुक्तका अध्यक्ष पशुपतिशमशेर राणाले सम्बोधन गर्दैछन्। उपनिर्वाचनलाई दुई तिहाइको नेकपा सरकारले जनभावना बुझ्न र विपक्षी कांग्रेसले जनता मन फर्केको वा नफर्केको बुझ्न खोजेको छ । वडाअध्यक्ष तहसम्मको चुनावलाई प्रभा’व पार्न प्रमुख दलका वरिष्ठ नेताहरु नै ख’टिएका छन्। अछामको मेल्लेख गाउँपालिकाको वडा नम्वर ५ को अध्यक्षको चुनावी सभालाई नेकपाका नेता भीम रावलले सम्बोधन गरे। उक्त वडाको चुनावी सभालाई कांग्रेसका एनपी साउदले पनि सम्बोधन गरेका थिए। कास्की–२, भक्तपुर १ (१), बागलुङ २ (२ ) र दाङ ३ (२) मा नेकपा अध्यक्ष पुष्पकमल दाहाल ‘प्रचण्ड’ले सम्बोधन गरेका छन्।

उपननिर्वाचनमा १ सय १ दलले भाग लिँदै छन्। प्रतिनिधि सभा सदस्य तथा प्रदेश सभा सदस्यमा ९५ दल र स्थानीय तहमा ७८ दलले भाग लिएका छन्। ०७४ को निर्वाचनपछि थपिएका १६ हजार २ सय १९ मतदाताले उपनिर्वाचनमा मतदान गर्न पाउनेछन्। आयोगका अनुसार उपनिर्वाचनमा मतदाताको संख्या ४ लाख ५४ हजार १ सय १४ छ। मतदानका लागि २ सय ४७ मतदान स्थल र ५ सय ३७ मतदान के’न्द्र तोकिएका छन्। शीर्ष नेताहरू चुनावी दौडधुपमा सक्रिय भए पनि यसपटक आचारसंहिता उल्लंघनका उ’जुरी नपरेको निर्वाचन आयोगले जनाएको छ। आयोग प्रवक्ता नरेन्द्र दाहाल स्थानीय तहमा राजनीतिक दलका नेतासमेत राखेर आचारसंहिता अनुग’मन समिति बनाइएकाले पनि आचारसंहिता उल्लंघनका घट’नामा कमी आएको बताउँछन्।

निर्वाचन आयोगले सुर’क्षासहित निर्वाचनसम्बन्धी सम्पूर्ण तयारी पूरा भएको भन्दै ढुक्क भएर मतदान गर्न आ’ग्रह गरेको छ। आयोगका प्रवक्ता नरेन्द्र दाहालले बिहीबारभित्र उपनिर्वाचन हुने सबै स्थानमा मतपत्र, परिचयपत्रसहित सबै सामग्री बोकेर मतदान अधिकृत पुग्ने बताए । ‘अब हामी मतदान पर्खेर बसेका छौं,’ दाहालले भने, ‘मतदातालाई ढुक्क भएर मतदानमा सहभागी हुन आयोगले आ’ग्रह गरिसकेको छ।’ दाहालका अनुसार बुधबार राति १२ बजे मौन अवधि सुरु हुने भएकाले उक्त अवधिलाई निकै संवे’दनशील रुपमा लिइएकाे छ ।