बरामद गर्‍यो सर्जिकल मास्क

काठमाडौं प्रहरीले अवैध रुपमा लुकाइराखेको आठ ट्रक सर्जिकल मास्क प्रहरीले बरामद गरेको छ। काठमाडौं सतुंगलको दुईटा घरमा रहेको गोदामबाट प्रहरीले सो मास्क बरामद गरेको हो। ती मास्क रोहित श्रेष्ठको घरमा रहेको गोदाममा १७५ वटा बोरामा थियो। चन्द्रागिरी नगरपालिकाका मेयर घनश्याम गिरीको रोहवरमा गोदाम खोलेर मास्क बाहिर निकालिएको हो। बरामद गरिएको मास्क महानगरीय प्रहरी परिसर टेकु लगिएको छ। त्यहिँ लगेर मास्क गणना गरिने प्रवक्ता बोगटीले जानकारी दिए।