काठमाडौं, ८ जेठ : नेपाल सरकारले जारी गरेको नयाँ नक्साको समर्थन गरेकी अभिनेत्री मनिषा कोइरालाविरुद्ध नकारात्मक टिप्पणी गर्ने भारतीयहरुलाई एक ट्वीटर प्रयोगकर्ताले गतिलो जवाफ फर्काएका छन्‌।

कोइरालाकै नामबाट सञ्चालित एक ट्वीटर ह्याण्डिलमा प्रयोगकर्ताले लेखेका छन्‌, “श्रम बेच्न हुन्छ, तर स्वाभिमान बेच्नु हुँदैन।”

नेपालको नयाँ नक्सा मन्त्रीपरिषद्ले पारित गरेकोबारे परराष्ट्रमन्त्री प्रदीपकुमार ज्ञवालीले गरेको ट्विटलाई समर्थन जनाउँदै कोइरालाले ‘हाम्रो सानो देशको गरिमा कायम राख्नुभएकोमा धन्यवाद! यी तीन महान देशहरूबीच शान्तिपूर्ण र सम्मानजनक वार्ता हुने आशा गरेका छौं,’ लेखेकी थिइन्।

लिम्पियाधुरा, लिपुलेक र कालापानीसहितका भूभाग समेट्दै ७ प्रदेश, ७७ जिल्ला र ७५३ स्थानीय तहको प्रशासनिक विभाजन खुल्ने गरी नेपालको नक्सा प्रकाशित गर्ने मन्त्रिपरिषदको गरेको थियो । आधिकारिक नक्सा भूमिव्यवस्था मन्त्रालयले सार्वजनिक बुधबार गरिसकेको छ । यहीँ विषयमा परराष्ट्रमन्त्री ज्ञवालीले उल्लेख गरेको थिए ।

सोमबार बसेको मन्त्रीपरिषद् बैठकले भारतद्वारा अ’तिक्रमित नेपाली भूभाग कालापानी, लिपुलेक र लिम्पियाधुरा समेटेर तयार पारिएको नयाँ नक्सा जारी गरेपछि अभिनेत्री कोइरालाले सरकारी कदमको प्रशंसा गरेकी थिइन्। लगत्तै भारतीय मिडियाहरु र त्यहाँका केही मानिसहरुले कोइरालामाथि निकै तल्लोस्तरको टिप्पणी गरेका थिए।

एबिपी न्युजले मनिषालाई ‘चीनको निर्देशनमा एक्टिङ गरेको’ आरोप लगाएको थियो। च्यानलले आफ्नो स्क्रोलमा लेखेको थियो, ‘भारतको खाएर चीनको गीत गाउँछ्यौ?’

कतिपय भारतीयहरूले मनिषाको ट्विटमा कमेन्ट गर्दै उनलाई भारत छाड्न भनेका छन्।

Thank you for keeping the dignity of our small nation..we all are looking forward for a peaceful and respectful dialogue between all three great nations now ? https://t.co/A60BZNjgyK

— Manisha Koirala (@mkoirala) May 18, 2020