एजेन्सी, ९ जेठ :पाकिस्तानको कराची नजिकै रहेको एउटा आवासीय क्षेत्रमा लाहोरबाट कराची जादै गरको पाकिस्तान इन्टरनेसनल एयरलाइन्सको विमान दुर्घटनाग्रस्त भएको छ । जिन्नाह अन्तर्राष्ट्रिय विमानस्थलनजिकै रहेको मोडेल कोलोनीमा ९० जना यात्रु र ८ जना चालकदलका सदस्य रहेको विमान दुर्घटनामा परेको पाकिस्तानी सञ्चारमाध्यमले जनाएका छन् ।
हालसम्म दुर्घटनाबाट के कति क्षति भयो भन्नेबारेमा जानकारी आइसकेको छैन । तर पाकिस्तानी सेनाका प्रमुख जनरल कमार जावेद बाज्वाले भने ‘महत्वपूर्ण जीवनहरु गुमेको’ भन्दै समवेदना दिएका छन् । उक्त विमान लाहोरबाट कराँचीका लागि आएको थियो ।
अहिले घटनास्थलमा उद्धारकर्ता पुगेका छन् । उद्धारकर्ताहरुले स्थानीयलाई सुरक्षित स्थानतर्फ ल्याइरहेको पाकिस्तानी सञ्चारमाध्यम डनले जनाएको छ ।
त्यहाँको स्वास्थ्य तथा जनसंख्या मन्त्रालयले कराँचीका सबै अस्पतालहरुमा इमरजेन्सी घोषणा गरेको छ ।
बिमान कसरी दुर्घटना भएको हो अनुसन्धान गरिने सैनिक प्रबक्ताले जनाएका छन
