अछाम, ११ जेठ सुदूरपश्चिम प्रदेशमा पछिल्लो पटक कोरोना पुष्टि भएका युवक अछामका भएको खुलेको छ। सेती प्रादेशिक अस्पतालको आईसोलेसनमा उपचाररत उनी अछामको मेल्लेख गाउँपालिका ४ का ३२ वर्षीय पुरुष हुन्।

उनको जेठ ८ गते गौरीफन्टा नाकाबाट उद्दार गरिएको थियो। सीमामा आरडिटी परीक्षणका क्रममा पोजेटिभ देखाएपछि सेती अस्पतालको आईसोलेसनमा राखिएको थियो। उनको स्वास्थ्य अवस्था समान्य रहेको छ।

यो सँगै प्रदेशभरी संक्रमितको संख्या १५ पुगेको छ।