काठमाडौं, ३० जेठ: कोरोना भाइरस नियन्त्रणमा क्वारेन्टाइन व्यवस्थित पार्न माग गर्दै पोखरेली सडकमा उत्रिएका छन् । व्यवस्थित क्यारेन्टाइन नहुँदा संक्रमण फैलिने र कोरोना भएकाबाट अन्यमा सर्न सक्ने जोखिम बढेकोले क्वारेन्टाइन व्यवस्थित पार्न सरकारसँग माग गर्दै पोखरेली युवा विहीबार सडकमा उत्रिएका हुन् ।
कोरोनाको महामारीमा सरकार गम्भिर हुन नसकेकोले अवस्थामा सरकारलाई जिम्मेवार बनाउन आफूहरु सडकमा उत्रिएको कार्यक्रम संयोजक सलैजा श्रेष्ठले
बताइन् । पोखराको राष्ट्र बैंक चोकदेखि शहीद चोकसम्म बिहीबार ११ देखि १२ बजेसम्म उनीहरुले ५ वटासम्म घेरा बनाएर विभिन्न नारा अंकित प्लेकार्डसहित मौन र शान्तिपूर्ण धर्ना दिएका हुन् ।
असुरक्षित क्वारेन्टाइन बन्द गर, ‘प्रभावकारी स्वास्थ्य उपचारमा प्रत्येक नागरिकको अधिकार हो, ‘हेलो–हेलो सरकारले आवाज सुन्दैन लगायत नारा अंकित प्लेकार्ड प्रदर्शन गरिएको थियो । एक घण्टा धर्नापछि उनीहरुलाई प्रहरीले सो क्षेत्रबाट हटाएको थियो ।
