डडेल्धुराको परशुराम नगरपालिकामा सलह किरा देखियो

डडेल्धुरा, १६ असार : कृषिबालीमा क्षति पुर्‍याउने सलह ९डेजर्ट लोकस्ट०फट्याङग्रा डडेल्धुरा पुगेको छ। जिल्लाको भित्र मधेशमा पर्ने परशुराम नगरपालिका–४ कटालमा उक्त किरा देखिएको परशुराम नगरपालिकाको कृषि शाखाका प्राविधिक सहायक कालुसिंह बोहराले बताए ।

किसानहरुले दुई हजारको हाराहारीमा अनौठो फट्याङग्रा आएको खबर दिएपछि स्थलगत अनुगमनमा जाँदा आफुले थोरै दुई÷तीन सयको मात्रामा सलह देखेको बोहराले बताए। ‘किसानले खबर गरेपछि हामी अनुगमनमा गएका थियौं।सोही क्रममा धान र मकैको खेतमा करिब दुईरतीन सयको हाराहारीमा सलह थिए’ उनले भने, ‘थौरे मात्रामा भएकाले ठुलो बथानबाट ती किरा छुट्टिएर आएको हुनसक्ने कृषि शाखाले आनुमान गरको छ।’

भारतबाट आएको अनुमान गरिएका ती किराले बालीमा खासै नोक्सान नगरेको भएतापनि आफुहरुले कृषकहरुलाई ठुलो आवाज गरेर सलह भगाउने सल्लाह दिएर आएको प्राविधीक बोहराले बताए। सलह फट्याङग्रा एक वर्ग किलोमिटर क्षेत्रमा फैलिएर बस्ने र एउटा बथानमा झण्डै चारदेखि आठ करोड हुने विज्ञहरुले बताएका छन्। फट्याङग्राको एउटा बथानले एक दिनमा करिब ३५ हजार मानिसलाई दुई छाक पुग्ने खाद्यान्न खाइदिन्छन्।

यो फट्याङग्राले सम्पूर्ण कृषि वालीको बोटविरुवा, बाली, फुल, डाँट, डाँटको बोक्रासम्म खाइदिने क्षमताका भएकाले प्रवेश गरेको स्थानमा ठूलो भोकमरी र अनिकाल पर्ने गरेको बताइएको छ।