काठमाडौं, २७ असारः बुधवार ‘अघिल्लो’ फोनमा कुरा हुँदा छोरीसंग ‘दशैंमा आउँछु’ भनेका हवल्दार सम्बुर गुरूङ भारतको भूमी रक्षा गर्ने क्रममा कस्मिरमै अस्ताएका छन् । शुक्रबार बिहानै अचानक भएको गो’लाबारीमा उनको ज्या’न गयो । सम्बुरको छोरी इलाले बुवासंग बुधवार बिहान कुरा गरेका बताएकी छन् ।
शुक्रबार बिहान इला सु’तिरहेकै बेलामा फोन आयो । आमा एक्कासी रु’न थालेपछि इलाले थाहा पाइन् बुवा यो संसारमा हुनुहुन्न । उनलाई फोनमा कसैले भन्यो, ‘तिम्रो बुबा सहिद हुनुभयो।’ भारतीय सेनामा सम्बुर भर्ती भएको १८ वर्ष पुगेको उनको आफन्तले बताएका छन्।
उनको निधनको खबरले गुल्मीमा शोक छाएको छ । भारतीय सेनामा कार्यरत उनले दिनहुँ घरमा फोन गर्थे । उनको श्रीमती बालमाया गुरूङ भने काठमाडौं बस्दै आएकी छन् । दिनहुँ जसो श्रीमानसंग उनको कुरा हुन्थ्यो। बिहिवार पनि उनको श्रीमानसँग कुरा भयो । तर त्यतीबेला श्रीमानले आफु ल’डाइमा जान लागेको कुरा सुनाएका थिएनन्। यु’द्ध विराम भएका कारण उनले पनि ल’डाइको आँकलन गरेका थिएनन् ।
सिमानामा भारतको भूमी रक्षा गर्दा ज्यान गुमाएका नेपालीहरुमा सम्बुर गुरूङको पनि नाम थपिएको छ। उनी गुल्मीका हुन्।पाकिस्तानको सीमा क्षेत्र जम्मु कस्मिरमा ३/८ जिआरमा कार्यरत सम्बुरको सिमानामै ज्यान गएको छ । पाकिस्तानले गरेको गो’लाबारीमा उनकोज्या’न गएको भारतले दावी गरेको छ ।
गोर्खा सैनिकमा भर्ती भएका नेपालीहरुले भारतको सिमा रक्षा गर्दा अहिले सम्म थुप्रैको ज्या’न गएको छ । भारतले सिमा विवाद भएका स्थानमा गोर्खा सैनिकलाई पठाउने गरेको छ ।
