काठमाडौं, १५ साउनः नेपालमा बिहीबार थप २७४ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले अद्यावधिक गरेको विवरणअनुसार एकैदिन २७४ जनामा संक्रमण देखिएको हो ।

प्रवक्ता डा. गौतमका अनुसार पछिल्लो २४ घन्टामा थप २२७ जना उपचारपछि निको भएर घर फर्किएका छन् । योसँगै निको भएर घर फर्किनेको कुल संख्या १४ हजार २४८ पुगेको छ । हाल १३ हजार २०१ जना क्वारेन्टाइनमा र ५२२७ जना आइसोलेसनमा रहेका छन् ।