का‌ंग्रेस निकट ‘रुकुम–क्यालिफोर्निया जनसम्पर्क समिति अमेरिका’ गठन

एजेन्सी : अमेरिकाको क्यालिफोर्नियामा विनोद पुनको सभापतित्वमा नेपाली कांग्रस निकट ‘रुकुम–क्यालिफोर्निया जनसम्पर्क समिति अमेरिका’ गठन गरिएको छ । रुकुम स्थायी घर भई हाल काम विशेषले अमेरिकाको क्यालिफोर्नियामा बसोबास गर्दै आएका रुकुमेलीहरूको एक भेलाबाट जनसम्पर्क उक्त समिति गठन गरिएको हो ।

नेपाली जनसम्पर्क समिति अमेरिकाका सभापति धनन्जयनरसिंह केसीको प्रमुख आतिथ्यतामा भएको भेलाले रुकुम पश्चिमको आठविसकोट नगरपालिका–१० का विनोद पुनको सभापतित्वमा २६ सदस्यीय जनसम्पर्क समिति गठन गरेको हो ।

समितिको उपसभापतिमा केशव कुसारी र कमलप्रसाद केसी, महासविचमा रामकृष्ण कुसारी, सचिव उमेश खड्का र दिपेशकुमार जैसी, कोषाध्यक्ष गोपाल खनाल तथा सहकोषाध्यक्षमा जयलाल खड्का निर्विरोध निर्वाचित भएका हुन् ।

प्रवासमा रहेका नेपालीहरुको समस्या समाधानका लागि जनसम्पर्क समितिले सक्दो सहयोग गर्ने नवनिर्वाचित उप–सभापति केशब कुसारीले बताए । काम विशेषले प्रवासमा रहेतापनि नेपाल र नेपालीलाई पर्ने वि’पत्तीको जुनसुकै घडीमा प्रवासी युवाहरुले गर्ने सकारात्मक पहल र सहयोग स्मरणीय रहँदै आएको छ ।

अमेरिकामा रहँदै आएका रुकुमेली युवाहरुले पनि रुकुम लगाएत देशका विभिन्न स्थानका दीर्घरोगी, असाहय, अनाथ, अपाङगहरुको उपचार उ’द्धार एवं पुनःस्थापनामा महत्वपूर्ण भूमिका खेल्दै आएका छन् ।