काठमाडौं, १९ असोज : युएईमा जारी इण्डियन प्रिमियर लिगको खेलमा आज दिल्ली क्यापिटल्सले रोयल च्यालेन्जर्स बैंगलोरको सामना गर्दैछ । खेल तालिका अनुसार आईपिएलकाे १३ औं सिजन अन्तर्गतकाे १९ औं खेलमा नेपाली लेग स्पिनर सम्मिलित दिल्ली क्यापिटल्सले रोयल च्यालेन्जर्स बैंगलोरको सामना गर्ने भएको हो ।
दुबई अन्तर्राष्ट्रिय क्रिकेट स्टेडियममा आज नेपाली समय अनुसार रातीको ७:४५ बजे सुरु हुने खेलमा श्रेयस ऐयरको कप्तानिमा रहेको दिल्ली र बिराट कोहलीको कप्तानिमा रहेको बैंगलोर आमनेसामने हुने भएका हुन्। सुरुवाती खेलदेखि नै उत्कृष्ट प्रदर्शन गर्दै अंकतालिकामा दोस्रो स्थानमा रहेको दिल्लीले तेश्रो स्थानमा रहेको बैंगलोरको सामना गर्ने छ ।
सुरुवाती ४ खेल खेल्दा दिल्लीले नेपाली लेग स्पिनर सन्दीप लामिछानेलाई मौका दिएको छैन । आजको खेलमा पनि सन्दीपलाई खेलाउने या नखेलाउने बारे दिल्लीले आफ्नो मनोसाय ब्यक्त गरेको छैन । यद्दपि अघिल्लो खेलका क्रममा दिल्लीका २ जना खेलाडीहरु घाइते भएका छन् । लेग स्पिनर अमित मिश्रालाई क्याच लिने क्रममा औलामा चोट लागेको कारण आजको खेल खेल्न्ने नाखेल्लने बारे अझै टुंगो लागेको छैन । अघिल्लो खेलमा दुई स्पिनर रबिन्द्र चन्द आश्विन र मिश्रालाई खेलाएको दिल्लीले आज एकजना बिदेशी तिब्र गतिका बलरलाई आराम दिएर सन्दीपलाई मौका दिनसक्ने आँकलन भने गरिएको छ । अघिल्लो खेलमा दुवै तिब्र गतिका बलरले राम्रो प्रदर्शन गरेका कारण उनीहरुलाई नै दोहोर्याउने सम्भावना पनि देखिएको छ । यद्दपि दिल्लीको प्लेइंग ११ टस पछि नै सार्वजनिक हुनेछ ।
दुवै टिमले गरेका अघिल्ला प्रदर्शनलाई आधार मान्ने हो भने दिल्लीको तुलनामा बैंगलोर निकै बलियो आत्मविश्वासका साथ मैदानमा उत्रिने देखिन्छ । हालसम्म आमने सामने भएका २४ खेलमा बैंगलोरले दिल्लीलै धेरै पटक निरस परेको देखिन्छ । जसमा १५ पटक बैंगलोरले र ८ पटक दिल्ली विजयी भएको छ।
