हरि बुढा क्षेत्री
जाजरकोट २९ पौष: जाजरकोट जिल्ला शिवालय गाउपलिका वडा नं. ७ को २०७५ मंसिर देखि असार मसान्तसम्म निर्माण गरिसक्नु पर्ने सोही वडामा रहेको स्वास्थ चौकीको दुई कोठे शौचालय निर्माणका लागि स्वच्छता परियोजना नामको संस्थाले रु ९ लाख ९ हजार ५०० र गाउँपालिकाले १० लाख ६८ हजार ८८५ गरेर जम्मा १९ लाख ७८ हजार ३८५ छुट्याएको थियो ।
उक्त सौचालय निर्माणको काम सकिएको करिब २ बर्ष बितिसक्दा सम्म पनि मजदुरहरुले काम गरेको पैसा पाएका छैनन् । स्वच्छता परियोजना संस्थाले सामान सहित सबै रकम चुक्ता गरिसकेको र गाउँपालिकाबाट पाउनु पर्ने रकम रु १० लाख ६८ हजार ८८५ मा जम्मा २ लाख मात्र पाएको र बाकी ८ लाख ६८ हजार ८८५ रुपैया वडाध्यक्षले सदुपयोग गरेको र अहिलेसम्म उपभोक्ता समिति लाई नदिदा कामदारहरुलाई दिन नसकिएको उपभोक्ता समितिका अध्यक्ष मोहन बुढाले बताए ।
लामो समयसम्म काम गरेको पैसा नपाएपछी २०७७ पौष २० गते गरिएको वडा भेलाको क्रममा कामदारहरुले काम गरेको पैसा पाउनुपर्ने माग राखेका थिए । सोही क्रममा वडाध्यक्ष खत्रीले झन उल्टै निर्माण उपभोक्ता समितिका अध्यक्ष मोहन बुढालाई आफुले गरेको भ्रष्टाचारको ढाकछोप गर्न धम्कि र हातपात गर्न खोजेको समेत बताईएको छ । उपस्थित सबैले उक्त रकम निर्माण समितिले पाउनु पार्ने माग राखेका थिए ।स्थानीय सरकार र जनप्रतिनिधिहरुको यस्ता खाले हर्कत, भ्रष्टचार भए यसको बिरुद्ध युवाहरुले एकजुट भएर प्रतिकार गर्ने बताएका छन् । जुन शिवालय गा पा वार्ड न ५ र ६ मा ” भ्रष्टाचार विरुद्ध यूवा परिचालन अभियान ” नामक सञ्जाल गठन भैसकेको छ। अब शिवालय को सबै वडाहरुमा यो सञ्जाल को समावेशी हुुुने देखिएको छ।यस विषयमा बुझ्न वडाध्यक्ष खत्रीसँग सम्पर्क गर्न खोज्दा फोन सम्पर्क हुन सकेन । हामी वडाध्यक्ष खत्री सङ्ग सम्पर्क भएमा पुन उहाको बिचार पनि राख्नेे छौ ।
