दिपेन्द्र थापा मगर                                                 सल्यान २९ पौष : यात्रुबाहक बसले मोटरसाइकल लाई ठक्कर दिँदा सल्यानमा एकजनाको मृत्यु भएको छ। शारदा नगरपालिका–६ बरला बजार नजिकै मोटरसाइकलाई ठक्कर दिँदा मोटरसाइकलमा सवार शारदा–६ बरलाका ३० वर्षीय वीरेन्द्र भण्डारीको मृत्यु भएको हो।

ढोरचौरबाट श्रीनगर आउँदै गरेको ना ३ ख ९६४३ न को बसले श्रीनगरबाट बरला जाँदै गरेको रा ३ प ८७६७ न मोटरसाइललाई ठक्कर दिएको जिल्ला प्रहरी कार्यालय सल्यानका सूचना अधिकारी लक्ष्मण ओलीले जानकारी दिए।दुर्घटनामा घाइते भण्डारीको सल्यान जिल्ला अस्पताल खलंगामा उपचारको क्रममा मृत्यु भएको ओलीले बताए। ठक्कर दिने बस नियन्त्रणमा रहेको र चालक भने फरार रहेको प्रहरीले बताएको छ।