जाजरकोट, १४ माघ : नेपाल कम्युनिस्ट पार्टी (नेकपा) जाजरकोटको नयाँ जिल्ला कमिटी गठन भएको छ । वेदबहादुर शाहीको संयोजकत्वमा दुई सय ४१ सदस्यीय जिल्ला कमिटी गठन भएको हो ।
मंगलबार सदरमुकाम खलंगामा सप्पन्न भएको जिल्ला स्तरीय बैठकबाट उक्त नयाँ कमिटी गठन भएको नेकपा नेता भैरव सुन्दर श्रेष्ठले बताएका छन् ।

नेकपा युवा नेता तथा नवगठित जिल्ला कमिटी सदस्य जगत थापाले युवा वर्गका समस्यहरुको निम्ति सधै लडिरहने समाजमा रहेका व्यथिति अन्याय, अत्यचार र भ्रष्टाचारका विरुद्ध ज्यान सुम्पिने तथा राष्ट्र र राष्ट्रियताका निम्ति कठिवद्ध आधुनिक र प्राविधिक उत्पादनमूलक व्यावसायमा जोड दिने बताएका छन् । नेता थापाले भने, “राजनीति पेसा होइन सेवा हो ।” उनले थपे, “कतिपयले यसको गलत व्याख्या र परिभाषा गर्दै आफ्नो दुनो सोझ्याउने काम गरेका छन् , यसका विरुद्ध समेत आवाज उठाउने छौँ ।”

युवा नेता थापा जाजरकोट-काठमाडौं सम्पर्क मन्चको कोषाध्यक्ष, जाजरकोट युवा संघको निर्बाचित सह-सचीव तथा नेकपा शिवालय गाउँपालिका कमिटी सचीवालय सदस्य हुँदै नेकपा जिल्ला कमिटी सदस्य चयन भएका हुन् ।