सुर्खेत १४  भदौ । नेपाली कांग्रेसको १४औँ महाधिवेशनमा जाजरकोट जिल्लाको शिवालय गाउँपालिका सभापति पदको उम्मेद्धवारीमा जस्बिर वलीले दावी गरेका छन् । शिवालय गाउँपालिका कार्यसमीति उपसभापति रहेका वली अहिले १४ औं महाधिवेशनमा सभापति पदमा दावी गरेका हुन् । सभापतिको दावेदारिको चहलपहल चलिरहेकै बेला वलीले महाधिवेशनमा आफुपनि सभापतिको उम्मेद्धवार रहेको एउटा फेसबूक स्टाटस मार्फत प्रतिक्रिया दिएका छन । २०४८ सालबाट विद्यार्थी राजनीतिमा लागि परेका वली २०५६ सालको स्थानीय निर्वाचनमा नेविसंघमा मा आबद्ध भएर सहयोग  गरेका थिय । २०६३ सालको शान्तिकालीन पछि साविकको जुगाँथापाचौर गाविसमा ३ अबधिसम्म सभापति भएर काम गरेका थिए । २०७४ सालको स्थानीय निकाय समायोजन पछि शिवालय गाउँपालिकाको गाउँ कार्यसमीतिमा वली उपसभापति भएर काम गर्दै आएका हुन । हाल शिवालय गाउँपालिका वडा नं ८ का वडाअध्यक्ष रहेर काम गर्दै आएका छन् । वडाअध्यक्ष वली कार्यकर्तामाझ इमानदार नेताका रुपमा चिनिदै आइरहेको छन साथै  उनी यसपटक शिवालय गाउँ कार्यसमितिको सभापति बन्ने योजनामा गरेकाछन। सभापति भएको अवस्थामा जाजरकोट कांग्रेसलाई एक ढिक्का बनाउँदै संगठन निर्माणलाई तिब्रताका साथ अघि बढाउने वलीको भनाइ छ ।  वली पाटी भित्र र जनता विचमा लोकप्रिय नेताको रुपमा परिचित छन् । उनी हालसम्म कसैलाई पनि भनी नबिराउने अरुले भनेको कुराहरुलाइ आत्मसात गर्दै काम गर्ने नेताको रुपमा परिचीत हुँदै आएकाछन।