स्पेनिस जाइन्ट बार्सिलोनालाई पराजित गर्दे अर्जेन्टिनी क्लब बोका जुनियर्सले म्यारोडोनाकपको उपाधि जितेको छ।
मंगलबार राति भएको भएको खेलमा बार्सिलोनाई ट्राइबेकरमा स्तब्ध पार्दै जुनियर्सले उपाधि जितेको हो। अर्जेन्टिनाका लिजेन्ड फुटबलर डियोगो म्यारोडोनाको सम्झनामा सुरु गरिएको प्रतियोगितामा अर्जेन्टिनी क्लबलेनै उपाधि जितेको हो।
स्पेनिस क्लब बार्सिलोनालाई ट्राइब्रेकरमा ४–२ ले पराजित गर्दै बोका जुनियर्सले उपाधि जितेको हो। साउदी अरेबियास्थित रियादमा रहेको किङ साउद युनिभर्सिटी स्टेडियम भएको खेलको निर्धारित समय १–१ गोलको बराबरी भएपछि खेलको निर्णयमा ट्राइब्रेकरबाट लिइएको हो।
पेनाल्टीमा बोका जुनियर्सका मार्कोस रोजो, कार्लोस रोबर्टो इजक्वाएरडोज, क्रिस्टियन पाभोन र आरोना मोलिनासले गोल गरे। बार्सिलोनाका ड्यानी आल्भेस र फेरान जुट्ग्लाले गोल गर्दा म्याथिअस पेरेइरा र गुइलेम जेइमीले गोल गर्न सकेनन्।
त्यसअघि प्रतिस्पर्धात्मक खेलको ५२औं मिनेटमा फेरान जुट्ग्लाको गोलबाट बार्सिलोनाले अग्रता लिएको थियो। उनले फिलिपे कौटिन्होको पासमा गोल गरेका थिए। ७७औं मिनेटमा एक्सक्वेल जेवाललोसल गोल गर्दै खेललाई १–१ गोलको बराबरीमा ल्याएका थिए। उनले फ्रान्क फाब्राको पासलाई सदुपयोग गरेका थिए ।
जारी सिजन खराव लयबाट गुज्रिरहेको बार्सिलोनाले बोका जुनियर्सविरुद्ध बल पोसेसन राख्दै दबाब दिन सफल भए पनि उपाधि उचाल्न असफल भयो।
जाभीको प्रशिक्षणमा मैदानमा उत्रिएको बार्सिलोनाले पछिल्ला ७ खेल खेल्दा यो तेस्रो हार भोग्यो। गत महिना बार्सिलोनामा आवद्ध भएका भेट्रान डिफेन्डर ड्यानी आल्भेस पनि बार्सिलोनाका लागि दोस्रोपटक डेब्यु गरे। यसअघि उनी २००८ देखि २०१६ सम्म बार्सिलोनामा रहेका थिए।
