कांग्रेस नेता सिटौलाको आईसीयूमा राखेर उपचार हुँदै

काठमाण्डौ । नेपाली कांग्रेसका नेता कृष्णप्रसाद सिटौला अस्पताल भर्ना हुनु भएको छ ।

स्वास्थ्यमा अचानक गडबडी भएपछि उहाँ शुक्रबार साँझ धुम्बाराहीमा रहेको ह्याम्स अस्पताल भर्ना हुनु भएको हो । आईसीयूमा राखेर उहाँको उपचार भइरहेको छ ।

उहाँका सहयोगी किरण सिटौलाका अनुसार चिकित्सकहरुले रगतमा हेमोग्लोबिनको मात्रा कम देखिएको र प्रेसरसमेत घटेको बताएका छन् ।

डाक्टर भगवान कोइरालासहितको टिमले उहाँको उपचार गरिरहेको छ। रगतको मात्रा बढाउनका लागि अहिले नेता सिटौलालाई रगत दिइँदै गरिएको सांसद तथा कांग्रेस नेता भिमसेनदास प्रधानले जानकारी दिनुभयो ।