भक्तपुर । मध्यपुर थिमि नगरालिका–१ लोकन्थलीमा झारफुकको बहानामा १३ वर्षीया बालिका बलात्कार गर्ने पक्राउ परेका छन् ।
महानगरीय प्रहरी वृत्त ठिमीले झारफुकको बहानामा बालिका बलात्कार गर्ने मकवानपुरगढी गाउँपालिका घरभई चाँगुनारायण–८ बस्ने ३५ वर्षीय गुरु रोशन भन्ने हिरामणि घिमिरेलाई पक्राउ गरेको हो ।
मंगलबार दिउँसो पीडितको बाबुलाई झारफुक गर्ने बहानामा १३ वर्षीया बालिकालाई बलात्कार गरेको खुलेको प्रहरी वृत्त प्रमुख डीएसपी मिलन केसीले बताए ।
झारफुकको बहानामा घिमिरेले पीडित बालिकाको बाबुलाई आँखामा पट्टी बाँधेर बालिकालाई बलात्कार गरेको उनले बताए । बालिकालाई जबरजस्ती करणी गरी फरार रहेका घिमिरेलाई बिहीबार कटुञ्जेबाट पक्राउ गरेर भक्तपुर जिल्ला अदालतमा पेस गरेको प्रहरीले जनाएको छ ।
मुलुकी देवानी संहिता अनुसार उनलाई १४ वर्ष देखि १६ वर्षसम्म कैद सजाय हुने व्यवस्था रहेको छ ।
