‘लुट्न सके लुट’को हङ्गमापछि पशुपति शर्माको नयाँ गीत सार्वजनिक

काठमाडौं ।  देश, काल र परिस्थिति अनुसार सान्दर्भिक विषयबस्तुलाई टपक्क टिपेर गाउन सक्ने पशुपति शर्मा फेरि नयाँ गीतका साथ बजारमा आएका छन् । उनी जनताबाट सारै रुचाइएका तर शासकको दमनमा परी सडक देखि सदनसम्म चर्चामा रहेका गायक हुन् ।

उनै गायक शर्मा र गायिका सम्झना भण्डारीको आवजमा नयाँ लोकदोहोरी गीत ‘क्यार्न मया मारेछौ’ भर्खरै सार्वजनिक भएको छ । गायक शर्माकै शब्द/संगीत रहेको यस गीतलाई पृथ्वी इन्टरटेन्मेन्टको युटुव च्यानलबाट सार्वजनिक गरिएको हो ।

यस गीतमा प्रकाश भट्टको निर्देशन तथा गायक, गायिका शर्मा र भण्डारीकै अभिनय रहेको छ ।
‘लुट्न सके लुट’को हङ्गमापछि यो गीत सार्वजनिक गरिएको हो । शर्मा समय सान्दर्भिक बिषयबस्तुलाई व्यंग्यात्मक, चेतानात्मक तथा हास्यास्पद तरिकाले प्रस्तुत गर्न निकै सिपालु मानिन्छन् ।

पछिल्लो समय लोक दोहोरी गीलाई फिल्मी तथा आधुनिक गीत भन्दा बढ्ता रुचाइएको पाइन्छ । यस अघि शर्मा र भण्डारीको सहकार्यमा आएका गीतले बजार तताएका छन् । यो गीतबाट पनि त्यस्तै आशा गरिएको छ ।

भिडियाे हेर्नुहाेस् !