डडेल्धुरामा बस दुर्घटना हुँदा ६ को मृत्यु

डडेल्धुरा ११ बैशाख ।  गन्यपाधुरा गाउँपालिकामा यात्रुबाहक बस दुर्घटना हुँदा ६ जना मृत्यु भएको छ । उनीहरुको दुर्घटना स्थलमै मृत्यु भएको डडेल्धुराका प्रहरी निरीक्षक लक्ष्मण खड्काले जानकारी दिए ।

भीमदत्त राजमार्गअन्तर्गत गन्यपाधुरा गाउँपालिका–१ को साहुखर्क नजिकै बुधबार बिहान पौने ५ बजे बस दुर्घटना भएको हो । दुर्घटनामा परी २५ जना बढी घाइते भएका छन् ।

घाइतेहरुलाई डडेल्धुरास्थित अस्पताल डडेल्धुरा ल्याइँदैछ । बस सडकबाट १०० मिटर तल खसेको जनाइएको छ । धनगढीबाट बझाङका लागि छुटेको ना ६ ख १८३१ नम्बरको बस दुर्घटनामा परेको हो ।

मृतकहरुको सनाखत हुन सकेको छैन । प्रहरी घटनास्थल पुगेर घाइतेहरु उद्धार गरिरहेको बताइएको छ ।