धादिङ बेल्खुमा सडक दुर्घटनामा परी २ जनाको मृत्यु
बेल्खु (धादिङ) । पुथ्वीराजमागको नौविसे मुग्लिन सडकखण्ड अन्तर्गत धादिङको गल्छी गाउँपालिका वडा नं ४ बेल्खु खोलामा सवारी दुर्घटना हुँदा २ जनाको मृत्यु भएको छ ।
चितवनबाट काठमाडौं जाँदै गरेको बा ९७ प २५३८ नम्बरको मोटरसाइकलले ना ६ ख ५६ १४ नम्बरको ट्रकलाई ओभरटेक गर्ने क्रममा काठमाडौंबाट चितवन जाँदै गरेको बा ४ ख ५१०३ नम्बरको माइक्रोबससँग ठोक्किन पुगेको थियो ।
माइक्रो बससँग ठोक्किएर सडकमा पल्टिएको मोटरसाइकलमा सवार यात्रुहरूलाई ट्रकको पछाडिको पाङग्राले किचेर मृत्यु भएको इलाका प्रहरी कार्यलय गजुरीका प्रहरी निरीक्षक नवराज ढुङ्गेलले जानकारी दिए ।
मृत्यु हुनेहरूमा काठमाडौं चन्द्रागिरि नगरपालिका वडा नं ५ का कवि कुमार महर्जन र राजु महर्जन रहेका छन् ।
घटनामा संलग्न माइक्रोबस, ट्रक र चालकहरूलाई नियन्त्रणमा लिइएको र मृतकको शव पोस्टमार्टमको लागि गजुरीस्थित प्राथमिक स्वास्थ्य केन्द्रका राखिएको गजुरी प्रहरीको संचार शाखाले जानकारी दिएको छ ।
