नदीमा डुबेर दुई बालकको मृत्यु
धनगढी । कैलाली जिल्ला लम्कीचुहा नगरपालिका ७ को रोरा नदीमा डुबेर दुई बालकको मृत्यु भएको प्रहरीले जनाएको छ ।
मृत्यु हुनेमा लम्कीचुहा ९ का ११ वर्षीय सुदिप चौधरी र ९ वर्षीय समीर चौधरी रहेको जिल्ला प्रहरी कार्यालय कैलालीका प्रहरी नायव उपरीक्षक दक्षबहादुर बस्नेतले जनाएका छन् ।
नदीमा नुहाउन गएका बेला बालक डुबेर मृत्यु भएपछि स्थानीयले प्रहरीलाई खबर गरेको बताइएको छ । दुवै बालकको शव परीक्षणका लागि टीकापुर अस्पतालमा राखिएको छ ।
