सडक दुर्घटनामा परी बाबु–छोराको मृत्यु

नवलपुर । मलङ्गवा–नवलपुर सडकखण्डको हरिपुर–४ हरैया चोकमा शनिबार जिपको ठक्करबाट बाबु–छोराको मृत्यु भएको छ । नवलपुरबाट मलङ्गवातर्फ जाँदै गरेको बा १९ च २५८८ नम्बरको जीपले ठक्कर दिँदा हरिपुर–४ हरैयाका ४० वर्षीय जैसी राय र उनका १० वर्षीय छोरा लक्ष्मणको मृत्यु भएको जिल्ला ट्राफिक कार्यालयका प्रहरी निरीक्षक राजकुमार शाहीले जानकारी दिए ।

राय बाबु–छोरा भैँसी चराएर घर फर्किदै गर्दा जिपले ठक्कर दिएको हो । लक्ष्मणको घटनास्थलमै मृत्यु भएको थियो भने उनका बाबु जैसीको उपचारको क्रममा हरिवनमा मृत्यु भएको हो । जिप चालक लालबन्दी नगरपालिका–७ का २० वर्षीय शिवनारायण साहलाई प्रहरीले नियन्त्रणमा लिएको छ ।