काँकडभिट्टाबाट छुटेकाे बस त्रिशुलीमा खस्याे, ५ को मृत्यु, २९ घाइते

धादिङ ।  झापाको काँकडभिट्टाबाट काठमाडौंका लागि छुटेको बस  त्रिशुली नदिमा  खस्दाँ पाँच जनाको मृत्यु भएको छ भने २९ जना घाइते भएका छन् । ना ७ ख ४३८७ नम्बरको यात्रुबाहक बस आइतबार बिहान ६ बजेतिर  धादिङकाे गजुरी गाउँपालिका –६ बन्छेटारस्थित त्रिशुली नदीमा खसेकाे हो । चार जनाको घटनास्थलमै र एक जनाको उपचारका क्रममा मृत्यु भएको प्रहरीले जनाएको छ ।

दुर्घटनामा २९ जना घाइते भएका छन् । घाइतेमध्ये १४ जनालाई स्थानीय स्वास्थ्यसंस्थामा सामान्य उपचारपछि काठमाडौँ पठाइएको छ । अन्य घाइतेहरुको गजुरी, आदामघाट र गल्छीमा रहेका स्वास्थ्य संस्थामा उपचार भइरहेको छ । बस सडकबाट ६० मिटर तल त्रिशुली नदिमा खसेको हो । दुर्घटना स्थलमा नेपाली सेना, शसस्त्र प्रहरीको टोलीले उद्धार कार्य जारी राखेको छ ।