घाँस काट्ने क्रममा भीरबाट लडेर एक महिलाको मृत्यु

जाजरकोट । जिल्लाको बारेकोट गाउँपालिका ८, लैखमकी ३८ बर्षिया गीता कुमारी खत्रीको भीरबाट लडेर मृत्यु भएको छ । भैसीलाई घाँस काट्ने क्रममा भीरबाट लडेर मृत्यु भएको हाे । घर निजकैको राँपानी भीरबाट दुई सय मिटर तल खसेर गंभीर घाईते भएकी खत्रीको उपचार गर्ने क्रममा जिल्ला अस्पताल जाजरकोटमा मृत्यु भएको प्रहरीले जनाएको छ ।

उनको टाउँको तथा शरिरको विभिन्न भागमा चोटपटक लागेको थियो । घटना भए लगत्तै अस्पताल पुर्याउन नसक्दा मृत्यु भएको परिवारले बताएकाे छ ।

बर्षेनी राँपानीको भीरबाट लडेर लैखमबासीले अकालमा ज्यान गुुमाउने गरेका छन् । विगत दश बर्षको समयमा रापानीको भीरबाट लडेर २० जना बढी स्थानीयको ज्यान गइसकेको वडा सदस्य मानबहादुर सिंहले बताए । राँपानीको भीरमा लैखमबासी घाँस दाउँरा ल्याउँन जाने गर्दछन् ।