नुहाउने क्रममा खाेलामा डुबेर युवतीको मृत्यु

संखुवासभा : पाँचखपन नगरपालिका–१ मा खोलामा डुबेर एक महिलाको मृत्यु भएको छ। कुसुवा खोलामा डुबेर २१ वर्षिया शर्मिला लिम्बुको विहीबार मृत्यु भएको जिल्ला प्रहरी कार्यालय संखुवासभाका प्रहरी निरीक्षक रामेश्वर पण्डितले जानकारी दिए ।

उनको घरनजिकै रहेको खोलामा नुहाउने क्रममा डुबेर मृत्यु भएको प्रहरीले जनाएको छ । शर्मिलाको शव पोष्टमार्टका लागि प्राथमिक स्वास्थ्य केन्द्र, चैनपुर लिने तयारी भएको छ। मृतकाका माइती पक्ष शुक्रबार मात्र आएकाले शव पोष्टमार्टमका लागि ढिलाइ भएको बताइएको छ।