पत्रकार रवि लामीछाने र कान्तिपुर मिडियालाई मेयर द्वारिकलालको चुनाैति- भिडियो
काठमाडाैं : एकजना पत्रकारलाई नाकको हड्डी भाँच्न एक कराेड छुट्याएकाे छु भनेपछि चर्चामा आएका इटहरी उपमहानगरपालिकाका मेयर द्वारिकलाल चाैधरीले यतिबेला पत्ररकार रवि लामिछाने र कान्तिपुर मिडियालाई चुनाैति दिएका छन् । उनले एक युट्युब च्यानललाई अन्तरवार्ता दिने क्रममा रवि लामिछाने र कान्तिपुर मिडियाप्रति आक्राेशित हुँदै पित पत्रकारिता गर्नेलाई नछाेड्ने बताएका हुन् ।
उनले क्यानडानेपाल युट्युब च्यानललाई अन्तरवार्ता दिदै ‘आज पत्रकारिताको नाममा जुन ज्यादति, जुन उडन्दता छ त्यसलाइ ताेडेरै छाड्छु’ भनेका छन् । मेयर द्वारिकले रवि लामिछाने पनि रामप्रसाद चाैलागाईकाे गाेठि बनेकाले उसले पनि हेलिमेट लगाइ जाेगिएर हिड्ने दिन आएको बताएका हुन् । यस्तै, कान्तिपुर मिडियाले पनि आफ्नाो बेइजति गर्ने तरिकाले समाचार सम्प्रेसन गरेकाले यस्तो पित पत्रकारिता गर्ने मिडियालाई नछाेड्ने कुरा घुमाउराे तरिकाले भनेका हुन् ।
उक्त युट्युब च्यानलमा प्राय सबैले मेयर द्वारिकलालको समर्थन गर्दै प्रशंसा समेत गरेकाे पाइन्छ ।
मेयर द्वारिकलाल चौधरीले पत्रकारलाई कुटपिटको धम्की दिएका थिए । पत्रकार विराट अनुपमको फेसबुक पोस्टमा मेयर चौधरीले ‘चाटुकार पत्रकार’ भनेर कमेन्ट गरेपछि यसबारे अनुपमले बुझ्न खोज्दा मेयर चौधरीले नाकको हड्डी भाँच्ने धम्की दिएका थिए । ‘अब तिम्रो नाकको हड्डी भाँच्न बाँकी छ,’ मेयर चौधरीले फोनमा धम्क्याउँदै भनेका थिए । मेयर चौधरीले पत्रकार अनुपमको स्टाटसमाथि कमेन्ट लेख्दै ‘अब तिम्रो पालो’ लेखेका थिए । ‘तिमीले के लेख्न बाँकी राख्या छौ ? तिम्रो नाकको हड्डी भाँच्नलाई एक करोड छुट्याएको छु । एउटा घडेरी छुट्याएको छु । तिम्रो नाकको हड्डी भाँच्न मात्रै बाँकी छ,’ फोनमा मेयर चौधरीले भनेका थिए, ‘अब म गुन्डागर्दीमै उत्रिएँ । तिम्रो नाकको हड्डी भाँचेर मात्रै मलाई सन्तोष हुन्छ भाइ ।’
हेर्नुस् भिडियो
