माेटरसाइकलमा सवार पत्रकारलाई टिपरले ब्याक गरीगरी मार्यो

सुर्खेत, २९ जेष्ठ : सुर्खेतमा टिपरको ठक्करबाट एक जना पत्रकारको मृत्यु भएको छ । भेरीगंगा नगरपालिका–८ लोदेमा टिपरले ठक्करबाट मोटरसाईकलमा सवार पत्रकार नन्द बहादुर गेलाङ्गको घटनास्थलमै मृत्यु भएको हो । छिन्चुबाट मेहलकुना जाँदै गरेका गेलाङ्ग सवार भे८प ७६०४ नम्बरको मोटरसाइकललाई रुकुम पश्चिमबाट आइरहेको बा५ख १६८३ नम्बरको टिपरले ठक्कर दिएको थियो ।

आफ्नै साईडमा गुडिरहेको मोटरसाईकललाई टिपरले ठक्कर दिएको प्रहरीको भनाई छ । ठक्कर दिएलगत्तै टिपर चालकले गाडी ब्याक गरेर गेलाङ्गलाई मारेको बताईएको छ । घटनापछि चालक फरार रहेका छन् । प्रहरीले उनको खोजी गरिरहेको छ । गेलाङ सुर्खेतबाट प्रकाशन हुने पहिचान दैनिकका सम्पादक र नेपाल पत्रकार महासंघ सुर्खेत शाखाका सह–सचिव समेत रहेका छन् ।