म्यानचेस्टर : विश्वकप क्रिकेटको ३४ औँ भिडन्तमा भारतले वेस्टइन्डिजविरूद्ध १२५ रनको फराकिलो जित दर्ता गरेको छ । म्यानचेस्टरको ओल्ड टाफर्डमा भएको खेलमा भारत विरूद्धकाे खेलमा वेस्टइन्डिजले लज्जास्पद हार ब्यहाेरेकाे हाे । भारतकाे याे सबैभन्दा फराकिलो जित हो । भारतले पछिल्लो पटक सन् २०११ मा वेस्टइन्डिजलाई ८० रनले हराएको थियो।
यस जीतका साथ भारतले ६ खेलबाट ११ अंक जोडेको छ। अंक तालिकामा भारत तेस्रो स्थानमा छ। भारतलले अब घरेलु टोली इङ्ल्यान्डविरूद्ध ३० जुनमा बर्मिङ्घममा खेल्नेछ। यअसघि टस जितेर पहिले ब्याटिङ गरेको भारले ५० ओभरमा ७ विकेट गुमाउँदै २६८ रन जोडेको थियो।
बिहीबार पनि विराट कोहली चम्किए। उनले भारतका लागि सर्वाधिक ७२ रन बनाए। महेन्द्र सिंह धोनी ५६ रन बनाएर नटआउट रहे। लोकेश राहुलले ४८ र हार्दिक पन्ड्याले ४६ रन बनाए। वेस्टइन्डिजविरूद्ध भारतका केमार रोचल ३ विकेट झारे। जवाफमा उत्रिएको वेस्टइन्डिजको टिम ३४.२ ओभरमा १४३ रनमै अलआउट हुन पुग्यो। उसका लागि सुनिल अम्बरिसले सबैभन्दा धेरै ३१ रन बनाए। यो हारसँगै वेस्टइन्डििज प्रतियोगिताबाट बाहिरिएको छ।
