यतिकाे जहाज धवनमार्गमा चिप्लियाे, राजमार्ग अवरूद्ध
काठमाडौं : यति एअरलाइन्सको विमान त्रिभुवन अन्तर्राष्ट्रिय विमानस्थलको धावनमार्गबाट चिप्लिएको छ। नेपालगन्जबाट आएको यति एअरलाइन्सको एएमएम एटीआर ७२ विमान अवतरणका क्रममा धावनमार्गबाट चिप्लिएको विमानस्थलका प्रवक्ता प्रतावबाबु तिवारीले जानकारी दिए।
तिवारीका अनुसार सबै यात्रुहरू सकुशल छन्। विमान हटाउने लगायतका कामका लागि अहिले विमानस्थल बन्द छ। रनवे मा दमकल तथा एम्बुलेन्स देखिएको छ।
विमानमा रहेका यात्रुमध्ये २ जनाको अवस्था गम्भिर रहेको बताइएको छ। उनीहरुलाई उद्धार गरी उपचारका लागि अस्पताल पठाइसकिएको विमानस्थलले जनाएको छ ।
त्रिभुवन अन्तर्राष्ट्रिय विमानस्थलका प्रवक्ता प्रतापबाबु तिवारीले भने अवतरणका क्रममा यती एयरलाइन्सको विमान धावनमार्गमा चिप्लिन पुगेको छ, हामीले चिप्लिएको विमानबाट सबै यात्रुलाई बाहिर निकालेका छौं ।
धावन मार्गमै जहाज चिप्लिएपछि अहिले विमान उडान अवरुद्ध बनेको छ । वर्षा जारी रहेकाले अवरुद्ध विमानस्थल सञ्चालनमा आउन केही समय लाग्ने प्रवक्ता तिवारीले जानकारी दिए । प्रवक्ता तिवारीले जहाजमा भएको क्षति अनुगमनको काम भइरहेको छ। त्यसपछि मात्र विमानस्थल खुल्ने उनले बताए।
