ढिस्काे खसेर घर पुरिदा एकै परिवारका तीनजनाकाे ज्यान गयाे

काठमाडौं : काठमाडौंको मुलपानीमा ढिस्कोले घर पुर्दा तीन जनाको ज्यान गएको छ। बिहीबार साँझदेखि परेको अविरल वर्षा पछि ढिस्को खसेर घर पुरिदा मुलपानीमा शुक्रबार तीन जनाको ज्यान गएको हो। ज्यान गुमाउनेमा तीनै जना एकै परिवारका सदस्य रहेका छन्।

ढिस्को खसेर घर पुरिदा बारा घर भइ कागेश्वर मनहरा नगरपालिका, मुलपानी बस्दै आएका नतु यादव, सर्मिला यादव र १० वर्षीय कुन्दन यादवको ज्यान गएकाे प्रहरीले जनाएको छ।

प्रहरीका अनुसार अहिले उनीहरूकाे शव निकाल्ने प्रयास भैरहेको छ प्रहरीले जनाएकाे छ । केहि दिन देखि लगातार भैरहेको अविरल वर्षाको कारण मृत्यु हुनेको संख्या देशभरबाट लगभग १ दर्जन पुगेको छ।