ग्रिजम्यान बने विश्वकै महंगा फुटबल खेलाडी

एजेन्सी : फ्रेन्च फरवार्ड एन्टोनी ग्रिजम्यान विश्वकै छैटौं महँगा खेलाडी बनेका छन्। स्पेनिस क्लब बार्सिलोनाले रिलिज क्लज १२० मिलियन बुझाउँदै ग्रिजम्यानलाई क्लबमा अनुबन्ध गरेको हो । स्पेनिस क्लब एट्लेटिको मड्रिडमा सफल फुटबल जीवन बिताएका ग्रिजम्यानसँग बार्सिलोनाले ५ वर्षको सम्झौता गरेको हो। उनको रिलिज क्लज ८ सय मिलियन युरो रहेको छ।

ग्रिज्मन बार्सिलोना जाने प्रक्रिया धेरै समय अगाडी देखि शुरु भएको थियो। यसअघि बार्सिलोनाले ग्रिज्मनको रिलिज क्लजको रकम किस्ताबन्दीमा तिर्ने प्रस्ताव राख्दा एटलेटिकोले निराशा व्यक्त गर्दै विज्ञप्ति नै जारि गरेको थियो । शुक्बर रिलिज क्लब तिरेपछि बार्सिलोनाले ग्रिज्मनलाई अनुबन्ध गर्न सबै बाधा फुकेको छ ।

बार्सिलोनाले आइतबार ग्रिज्मनलाई समर्थकमाझ प्रस्तुत गर्ने बुझिएको छ । यद्यपि अन्य खेलाडीझैं उनलाई सार्वजनिक गर्ने कार्यक्रममा थप सुरक्षा कडाइको लागि क्लबले आव्हान गरेको छ । ग्रिज्मनले एटलेटिको छाड्दा गरेको व्यवहारलाई कतिपय बार्सिलोना समर्थकले पनि रुचाएका छैनन् । गतवर्ष बार्सिलोनाले औपचारिक प्रस्ताव राखेको अवस्थामा ग्रिज्मनले नकारेपछि पनि केहि समर्थक रुष्ट भएका थिए ।