टी-२० सिरिज: नेपालद्वारा मलेसिया विरुद्धको खेल क्लिन स्विप

काठमाडौं, असार २९ : नेपालले मलेसियाविरुद्धको दुई खेलको अन्तरराष्ट्रिय टि–ट्वान्टी सिरिज क्लिन स्विप गरेको छ । नेपालले मलेसियालाई ६ रनले पराजित गर्दै सिरिज क्लिन स्विप गरेको हो । किनररा ओभलमा नेपालले मलेसियालाई जितका लागि दिएको १७४ रनको विशाल लक्ष्य पछ्याएको मलेसियाले निर्धारित २० ओभरमा ७ विकेट गुमाउँदै १६७ रन बनायो ।

मलेसियाका लागि सायद अजिजले अर्धशतकीय पारी खेले । ओपनरमा आएका उनले ३७ बल खेल्दै ७ चौका र १ छक्का प्रहार गर्दै ५० रनको योगदान गरे । त्यस्तै मलेसियाका लागि अमिनुदिन रामले २४ रन जोड्दा मोहम्मद शाहेदतलदे २१ भिरन्दीप सिंहले २३ र अहमेद फिजले १७ रनको योगदान गरे ।

बलिङतर्फ नेपालका लागि सोमपाल कामी र सन्दीप लामिछानेले समान दुई–दुई विकेट लिए । त्यस्तै अविनाश बोहोरा र कप्तान पारस खड्काले पनि एक–एक विकेट लिए ।

यसअघि टस जितेर पहिले ब्याटिङ गरेको नेपालले निर्धारित २० ओभरमा ६ विकेट गुमाउँदै १ सय ७३ रन जोडेको थियो । नेपालका लागि शरद भेषावकरले ४० रनको पारी खेले । मध्यम सुरुवात गरेको नेपालका लागि शरदले २८ बलमा ४ चौका र २ छक्का प्रहार गर्दै ४० रन जोडेका हुन् । ४.५ ओभरमा ३४ रन पुग्दा पहिलो विकेटको रुपमा पवन सर्राफलाई गुमाएको नेपालले छैटौं ओभरमा दोस्रो र तेस्रो बलमा उपकप्तान ज्ञानेन्द्र मल्ल र कप्तान पासर खड्कालाई गुमाएको थियो ।

बिनोद भण्डारीले विस्फोटक अर्धशतकले नेपालको कीर्तिमानी योगफल
नेपाल र मलेसिया बीच २ वटा टि-२० अन्तर्राष्ट्रियको सिरिज अन्तर्गत दोश्रो टि-२० अहिले जारि छ। पहिलो टि-२० मा ७ विकेटको जित निकालेको नेपालले दोश्रो टि-२० जिते यो नेपालको पहिलो टि-२० अन्तर्राष्ट्रिय सिरिज जित हुनेछ।

किनरारा ओभल मैदानमा टस जितेर नेपालले ब्याटिंग गर्दै नेपालले २० ओभरमा ६ विकेट गुमाएर १७३ रनको योगफल तयार गरेको छ। टि-२० अन्तर्रराष्ट्रियमा नेपालको यो सर्वाधिक योगफल हो । यस अघि नेपालले सन् २०१४ टि-२० विश्वकपमा हंगकंगसंग १४९ रन बनाएको थियो।

प्रदिप ऐरीको सट्टा ओपनिंगमा आएका पवन सर्राफ र पारस खड्काले पहिलो विकेटको लागि ३४ रनको साझेदारी गरे। पाँचौ ओभरमा सर्राफ रन आउट हुन पुगे जस अघि उनले ११ बलमा २ चौका मदतले १० रन बनाए । पवनको विकेट पछि ज्ञानेन्द्र मल्लले १ छक्का प्रहार गरे पनि फित्री शामलाई ठुलो सट खेल्ने चक्करमा विकेट दिन पुगे। ३ बलमा उनले ७ रन बनाए। अघिल्लो खेलमा पनि ज्ञानेन्द्र ७ रनमै आउट भएका थिए।

टि-२० अन्तर्राष्ट्रियमा ज्ञानेन्द्र मल्लको प्रदर्शन – ७, ७, ११ , ७ , ७ , २ , ० , २ , १८ १७ , १२ , २४ , ५ , २२ , १३ , ४८
ज्ञानेन्द्रको विकेट लगत्तै अर्को बलमा पारस खड्का पनि फित्रीको बलमा क्याच आउट हुन पुगे। १९ बलमा पारसले २ चौका र २ छक्का प्रहार गर्दै २३ रन बनाए। ४२/३ पुगेको नेपालको योगफललाई त्यसपछि शरद भेसावकर र रोहित पौडेलले अघि बढाए।

१३ औं ओभरको पहिलो बलमा रोहितको क्याच बाउन्ड्रीमा मलेसिया फिल्डरले छुटाउन पुगे जति बेला उनि १४ रनमा थिए। तर रोहितले त्यसको धेरै फाइदा उठाउन सकेनन् र सोहि ओभरमा सयद अजिजबाट क्याच आउट हुन पुगे। २३ बलमा उनले १९ रन बनाए। दुवैले ४६ रनको साझेदारी गरे।

त्यसपछि ब्याटिंग गर्न आएका बिनोद भण्डारीले आक्रामक सटहरु खेल्दै शरदलाई साथ दिए। शरदलाई १६ औं ओभरमा मुनिएन्डीले क्याच आउट गरे जसले २८ बलमा ४ चौका र २ छक्का मदतले ४० रन बनाए। टि-२० अन्तर्राष्ट्रियमा शरदको यो सर्वाधिक व्यक्तिगत स्कोर हो। उनले यस अघि २०१४ टि-२० विश्वकपमा पनि बंगलादेशसंग ४० रननै बनाएका थिए।

शरदको विकेट पछि करन केसीले १० बलमा १ चौका र १ हकका प्रहार गर्दै १६ रन बनाए। उनि लंग अनमा क्याच आउट भए।त्यस पछि बिनोद भण्डारीले आक्रामक ब्याटिंग गर्दै नेपालको इनिंग अन्त्य गरे। इनिंगको अन्तिम बलमा उनले छक्का प्रहार गर्दै आफ्नो अर्धशतक पनि पुरा गरे। उनले मात्र २५ बलमा ३ चौका र ५ छक्का प्रहार गरे।

टि-२० अन्तर्राष्ट्रिय क्रिकेटमा बिनोदको यो पहिलो अर्धशतक हो। टि-२० अन्तर्राष्ट्रियमा अर्धशतक बनाउने बिनोद पारस खड्का, सन्दिप जोरा र सुबास खकुरेल पछि चौथो ब्याट्सम्यान बनेका छन्। मात्र २५ बलमा अर्धशतक पुरा गर्दै बिनोद टि-२० अ. मा सबैभन्दा छिटो अर्धशतक बनाउने नेपाली ब्याट्सम्यान समेत बनेका छन्। मलेसियासंग अघिल्लो खेलमा पारस खड्काले ३५ बलमा अर्धशतक बनाएका थिए।

बिनोद भण्डारी – २५ बल ( बिरुद्ध मलेसिया २०१९ ) पारस खड्का – ३५ बल ( बिरुद्ध नेदरल्याण्ड २०१५ ) , सन्दिप जोरा – ४१ बल ( बिरुद्ध युएई २०१९ ) , सुबास खकुरेल – ४८ बल ( बिरुद्ध अफगानिस्तान २०१४ ) मलेसियाको बलिंगमा फित्री शामले ३ विकेट ( ३-०-२६-३ ) , सयद अजिज ( ४-०-२४-१ ) र एस मुनिएन्डीले ( ४-०-३९-१ ) १ विकेट लिए ।

सम्बन्धित खवर

Back to top button