एका विहानै राजधानीमा भिषण वर्षा
काठमाडाैं : फेरि काठमाडाैंमा एका विहानै भिषण वर्षा भैरहेकाे छ । केहीदिन देखि लगातार पानी परिरहेकाेमा हिजाेदेखि कम हुने सम्भावना रहेपनि आज विहानै देखि फेरि भिषण वर्षा भैरहेकाे हाे । भिषणा वर्षासँगै बाढीपीडितलाई थप समस्या निम्त्याउने देखिन्छ ।
जल तथा माैसम पूर्वानुमान शाखाले वर्षा कम हुने अनुमान गरेपनि काठमाडाै आसपासमा भने एका विहानै भिषण वर्षा भएकाे हाे ।
अबिरल वर्षापछि आएको बाढीपहिरो र डुवानका कारण सोमबारसम्म ६५ जनाको ज्यान गएकाे छ। प्रहरी प्रधान कार्यालयका अनुसार शुक्रबारदेखि सोमबार बिहानसम्ममा २४ महिला र ४१ पुरुषको ज्यान गएको हाे।
प्रहरीको विवरण अनुसार देशभर १२ जना महिला र १८ जना पुरुष गरी ३० जना अझै बेपत्ता छन् भने ३८ जना घाइते छन्। सेना, प्रहरी, सशस्त्र प्रहरीकाे टाेलीले १ हजार ४४६ जनाको उद्दार गरिसकेको छ। प्रदेश १ मा २०, प्रदेश २ मा १८, प्रदेश ३ मा १५, प्रदेश ५ र कर्णाली प्रदेशमा दुईदुई र उपत्यका तीन जिल्लामा ८ जनाको ज्यान गएको छ।
