काठमाडौं : धादिङमा माइक्रो र बस एकआपसमा ठोक्किएर दुर्घटना हुँदा १२ जना घाइते भएका छन्। पृथ्वी राजमार्ग अन्तर्गत धादिङको थाक्रे गाउँपालिका–१ खयरघारीमा चितवनको टाँडीबाट काठमाडौंतर्फ आउँदै गरेको बा ५ ख ३१५१ नम्बरको माइक्रो र काठमाडौंबाट भैरहवा जाँदै गरेको लु १ ख ३१३४ नम्बरको बस एकआपसमा ठोक्किएको हो।
बसको ठक्करबाट माइक्रोबस महेश खोलामा खस्दा माइक्रो बसमा सवार १२ जना घाइते भएको जिल्ला प्रहरी कार्यलय धादिङका प्रमुख राजकुमार बैदवारले जानकारी दिए। उनका अनुसार माइक्रोमा सवार सबैलाई उद्धार गरि उपचारका लागि नजिकको अस्पताल पठाइएको छ।
