काठमाण्डौं : नेपाल कम्युनिष्ट पार्टीको संस्थापक महासचिव पुष्पलालको मंगलवार स्मृति सभा गरियो । पुष्पलाल प्रतिष्ठानका प्रमुख माधव नेपालले कीर्तिपुरको चम्पादेवीमा आयोजना गरेको स्मृतिसभामा पार्टी अध्यक्ष पुष्पकमल दाहाल प्रचण्ड,बरिष्ठ नेता झलनाथ खनाल लगायतका नेता उपस्थित थिए ।
तर,यति महत्वपुर्ण कार्यक्रम जसको योगदानले नेपालको सत्ता सञ्चालन गर्ने क्षमता स्वयम केपी ओलीले राखे उनी नै किन स्मृतिसभामा गएनन त ? यो भने निकै चासोको विषय बन्यो । बालुवाटारमा नै भएका र दिनभर कतै पनि नगएका ओली किन चम्पादेवी गएनन त ?
वालुवाटार स्रोतका अनुसार,पार्टी अध्यक्ष समेत रहेका प्रधानमन्त्री केपी ओली गत साता देखि वाहिर निस्किएका छैनन । उनी चम्पादेवी जाने तयारीमा थिए तर उनलाइ चिकित्सकले आराम गर्न सुझाव दिएपछि नगएको बालुवाटार स्रोतको भनाइ छ ।
तर,नेकपा भित्रैका कतिपय नेताहरु भने पार्टी भित्रको आन्तरिक कलहको कारण ओली बाहिर ननस्किएको दावी गरिरहेका छन ।
