सामाजिक सञ्जाल फेसबुकबाट तुरून्तै यी ७ चीज हटाउनुस्, नत्र भने फर्साद पर्ला

काठमाडाैं : आजकल सामाजिक सञ्जाल मानिसहरुको महत्वपूर्ण हिस्सा बनेको छ । यसको माध्यबाट साथीहरुमाझ हामी आफ्नो महत्वपूर्ण विचार र फोटोहरु शेयर गर्छौ । सामाजिक सञ्जालमा हामीले कुन विषलाई महत्व दिन आवश्यक छ कुनलाई छैन त्यसका बारेमा हेक्का राख्न जरुरी छ । जसले तपाईंलाई सामाजिक सञ्जाल प्रयोगबाट सुरक्षित बनाउन सहयोग गरोस् ।

नराम्रा फोटा हटाउनु होस्
तपाईले फेसबुकमा आफूले मात्र हेर्न मिल्ने गरी फोटोहरु राख्नु भएको छ भने त्यस्ता फोटा तत्काल हटाउनहोस् । त्यसस्ता फोटो कुनै पनि बेला तपाईको फेसबुक ह्याक भएर वा अन्य कारणबाट लिक हुन सक्छ र तपाईका पारिवारका सदस्यकोमा पुग्न सक्छ ।

फोन नम्बर
तपाईले फेसबुकमा आफ्नो पर्सनल नम्बर अर्थात मोबाइल नम्बर राख्नु भएको छ भने त्यसलाई तत्काल हटाउनुहोस् । तपाईको फेसबुक मार्फत तपाईको नम्बर पाएर तपाईलाई व्ल्याकमेल गर्न सक्छ । फेसबुकमा नम्बर राख्नु जरुरी र अनिवार्य छैन ।

जन्ममिति
तपाईको फेसबुकमा राख्नुभएको जन्म मितिको काम त्यसदिन शुभकामना पाउने बाहेक केहीमा प्रयोग हुँदैन । कसैले तपाईको जन्मदिनको माध्यमबाट तपाईको व्यक्तिगत विवरण चोरी गर्न सक्छ । त्यसैले जन्मदिनको शुभकामना लिनका लागि यसलाई राख्नुको कुनै महत्व र मतलव हुँदैन ।

लोकेशन
मानिसहरु बाहिर कतै घुम्न वा काममा जानु परेको बेला लोकेशन शेयर गर्छन् । र त्यसो गर्न रुचाउँछन् । त्यसो गर्नु धेरैकालागि घातक भएका रिपोर्टहरु सार्वजनिक भएका छन् । कसैले तपाईंलाई पछ्याइरहेको हुनुक्छ । तसर्थ लोकेशन शेयर गर्ने काम बन्द गर्नुहोस् ।

एयरपोर्ट र विदा मनाएको फोटो
तपाई कतै जान लाग्नु भएको बेला एयरपोर्टमा पुगेपछि कतै जाँदैछु भन्ने खालको तस्वीर हाल्नु हुन्छ । होला त्यसो गर्नु घातक हुन सक्छ । त्यस्तै तपाई विदा मनाउन गएको सयमको फोटो तपाई राख्नुहुन्छ होला त्यसस्ता फोटाहरु पनि तपाईले विदा मनाएर फर्किएपछि राख्न सक्नुहुन्छ । र त्यो उत्तम पनि हो । किनकी तपाईले उत्त समयमा फोटा हाल्दा तपाईको घरमा कोही नभएको मौकाको फाइदा चोरले उठाउन सक्ने छ ।

पूर्व प्रेमी प्रेमिकाको तस्वीर
फेसबुकमा पूर्व प्रेमी तथा प्रेमीकाको तस्वीर छ भने तुरुन्त हटाउँदा तपाईलाई फाइदा पुग्छ । किनकी उनीहरको फोटो राख्दा पछि आफ्नो पति पत्नीबीचको सम्बन्धमा समस्या आउन सक्छ ।

मालिकलाई साथी नवनाउनुहोस्
तपाईले आफ्ना मालिकलाई पनि फेसबुकमा साथी बनाउनु भएको होला । त्यसो हुँदा तपाईलाई घाटा पर्न जान्त तपाईले कहिलेकाही आफ्नो विचार राख्दा समस्या पर्न जान्छ । त्यस्तै अफिसमा केही बाहाना पारेर साथीहरु घुम्न गएका तस्वीर राख्दा साहुले थाहा पाएर कारबाही गर्न सक्छ तसर्थ तपाईंले साहुलाई साथी नवनाउनुहोस् ।