काठमाडाैं : चर्चित हाँस्य कलाकार एवं सामाजिक अभियन्ता सिताराम कट्टेल र कुञ्जना घिमिरे (धुर्मुस सुन्तली) ले फिल्म निर्माण गर्दैछन् । कमेडीधारमा निर्माण हुन लागिरहेको फिल्मको नाम सुरुवातमा एन्टिभाईरस राखिएको थियो । पछि फिल्मको नाम चेन्ज गर्दै सेन्टिभाईरस राखिने भएको थियो ।
अन्तत निर्माण टिमले यो नाम पनि चेन्ज गरेर छल कपट नाम फाईनल गरेको छ । सुरुवातमा ज्योतिषले एस बाट नाम राख्न सुझाव दिएसंगै सेन्टिभाईरस राखिएको थियो तर पछि नाम ६ बाट राखिएको छ । वडा नम्बर ६ र ६ एकान ६ मा निर्माता बनेका धुर्मुस सुन्तलीले अब भने एकलरुपमा फिल्म निर्माण गर्ने भएका हुन् ।
यो जोडी यतिबेला चितवन भरतपुर १५ मा अन्तराष्ट्रिय क्रिकेट रंगशाला निर्माणमा पनि जुटेको छ । रंगशाला निर्माणसंगै धुर्मुस सुन्तलीले फिल्म पनि निर्माण गर्ने भएका हुन् । फिल्ममा प्रमुख भूमिकामा धुर्मुस सुन्तली नै हुने निश्चित भएको छ भने बिषेश भूमिकामा दयाहाङ राई फाईनल भईसकेका छन् । फिल्मका अन्य कलाकारहरु छनौट हुनै बाँकी छ । फिल्मलाई कबड्डी फेम रामबाबु गुरुङले निर्देशन गर्नेछन् ।
