सत्तारूढ दलले नै विप्लव कार्यकर्ता छुटाउन थालेपछि विप्लव नेकपाप्रति सकरात्मक बन्दै जनता
जाजरकोट : जब हिरासतमा रहेका विप्लव नेकपाका कार्यकर्ताहरूलाई सत्तारूढ दल र प्रतिपक्ष दलका नेताहरूले आ-आफ्ना पार्टीमा प्रवेश गराउने शर्तमा धमाधम छुटाउन थाले त्यसपछि विप्लव नेकपाप्रति जनताकाे धारणा भने सकरात्मक बन्न थालेकाे छ ।
विप्लव नेकपाका कार्यकर्तालाई विभिन्न प्रकारका गैरकानूनी कार्य गरेकाे भन्दै प्रहरीले पक्राउ गर्दै हिरासतमा राख्दै आएकाेमा सत्तारूढदल नेकपा र प्रमुख प्रतिपक्षदल कांग्रसका नेताहरूले नै पार्टीमा प्रवेश गर्नुपर्ने शर्त राख्दै छुटाउन थालेपछि जनतामा विप्लव नेकपाप्रतिकाे धारणा सकरात्क बन्न थालेकाे हाे ।
जनतामा यस्ताे बुझाइ बन्न थालेकाे छ कि -यद्यपी, विप्लव नेकपाका कार्यकर्ता अप राधी नै हुन् भने नेकपा वा नेपाली कांग्रेसमा प्रवेश गर्दैमा उनीहरूकाे अप राध स्वत मेटिने कुरा हाे र ? हाेइन भने उनीहरू जस्ताे सच्चा देशभक्त कार्यकर्तालाई राज्यले दमन किन गरिरहेकाे छ ?
विप्लव नेतृत्वको नेकपाका कार्यकर्ता पार्टी छोड्ने लिखित कागज गरेर हिरासतबाट छुट्ने गरेका छन् । पक्राउ परेकामध्ये तीन जना विप्लव समूह छाड्ने लिखित कागज गरेर छुटेको प्रहरीले जनाएको छ । सरकारले प्रतिबन्ध लगाउनु अघि विप्लव नेकपामा सक्रिय रहेका कार्यकर्ता प्रतिबन्धपछि पनि विभिन्न गैरकानूनी क्रियाकलापमा संलग्न भएको भन्दै प्रहरीले पक्राउ गर्दै आएको छ । उनीहरु पक्राउ परेपछि कम्तीमा दुई हप्ता हिरासत बसेर विप्लव नेतृत्वकाे नेकपा छाड्ने कागज गर्दै रिहा हुने गरेका हुन् ।
विप्लवका कार्यकर्ता छुटाउन सत्तारूढ दल नेपाल कम्युनिष्ट पार्टीका नेताहरू नै ठूलो दौडधुपमा छन् । विप्लव समूहका डोल्पा इञ्चार्ज भन्दै पक्राउ परेका वीरबहादुर खड्का पार्टी छोड्ने कागज गरेर रिहा भएका छन् । त्यस्तै छेडागाड इञ्चार्ज कैलास पुन, भेरी ब्यूरो सदस्य हरिचन्द्र जैसीलगायतका नेता तथा कार्यकर्ता कागज गर्दै रिहा भएका हुन् । यस्तै नेपाली काङ्ग्रेसका नेताहरू समेत विप्लव कार्यकर्ता छुटाएर आफ्नाे पार्टीमा प्रवेश गराउने हाेडमा छन् ।
विप्लव नेकपाका कार्यकर्ता गैरकानूनी क्रियाकलापमा संलग्न नहुने र संविधान मान्ने भन्ने उल्लेख गरी उनीहरु छुट्ने गरेकाे बताइएकाे छ । त्यस्तै भेरी ब्यूरो सदस्य जैसी सत्तारुढ दल (नेकपा)मा प्रवेश नै गरेका छन् । अखिल क्रान्तिकारीका केन्द्रीय सदस्य प्रेम शाहीलाई काठमाडौँमा पक्राउ परेलगत्तै जाजरकोट पुर्याइएको थियो ।
पक्राउपछि शुक्रबार स्वतन्त्र जीवनयापन गरी बस्ने भनी रिहा हुने मौखिक सहमति भएपनि केही वाक्यांशमा कुरा नमिल्दा उनी रिहा हुन सकेनन् । अन्य अहिले दुई जना विप्लव कार्यकर्तासमेत हिरासतमै रहेका छन् । कागज गरेर छुटेलगत्तै विप्लव नेकपाका कार्यकर्ता के गरिरहेका छन् भन्ने कुरा सुक्ष्म अनुगमन भइरहेको प्रहरी प्रमुख श्याम खत्रीले बताए ।
यसरी पछिल्लाे समय धमाधम पार्टी प्रवेश गराउने गरी सत्तारूढ नेकपा तथा नेपाली काग्रेसका नेताहरू विप्लव नेकपाका कार्यकर्ता छुटाउन थालेपछि विप्लव नेकपाप्रति सर्वसाधरणकाे धारणा भने सकरात्मक बन्दै गएकाे छ । राजनीतिक प्रतिशाेधका आधारमा मात्रै विप्लव नेकपालाई प्रतिवन्तध लगाई निरूङकुशता लाद्न खाेजिएकाे नागरिक स्तरमा बुझाइ बन्न थालेकाे छ ।
