पूर्वप्रधानमन्त्री भट्टराईले भने ‘हेगलाई ठट्टामजाकको विषय नबनाऔं’
काठमाडौं : समाजवादी पार्टीका सङ्घीय परिषदका अध्यक्ष डा. बाबुराम भट्टराईले ‘हेग’लाई मज्जाकको विषय बनाउन नहुने बताएका छन् । अध्यक्ष भट्टराईले हेगलाई ठट्टाको विषय बनाउन नहुने भन्दै वृहत् शान्ति सम्झौता र सत्य निरूपण तथा मेलमिलाप आयोग कुनै पार्टीको वा व्यक्तिको ठेक्का नभएको बताए ।
आज ट्वीट गर्दै उनले भने, ‘हेगलाई ठट्टामजाकको विषय नबनाऔं, वृहद शान्ति सम्झौता र सत्यनिरूपण तथा मेलमिलाप कुनै एउटा पार्टी/व्यक्तिको मात्र ठेक्काको विषय हैन ।’ नेपालको शान्ति प्रक्रिया सबै पार्टी र राष्ट्रको सामूहिक स्वामित्व र जिम्मेवारीको विषय रहेको बताउँदै संक्रमणकालीन न्याय सम्पादन छिटो टुंग्याउनुपर्ने अध्यक्ष भट्टराईले बताएका छन् ।
उनले आफ्नो ट्वीटमा भनेका छन्, ‘यसलाई छिटो टुंग्याऊँ, आँखाको बदला आँखा’को हम्मुराबीयन सोचले हामी सबैको आँखा फुटाउनेछ ।’
हेर्नुस् जस्तातस्तै ट्विटः
‘हेग’लाई ठट्टामजाकको विषय नबनाऊँ!वृहद शान्तिसम्झौता र सत्यनिरूपण तथा मेलमिलाप कुनै एउटा पार्टी/व्यक्तिको मात्र ठेक्काको विषय हैन सबै पार्टी र राष्ट्रको सामुहिक स्वामित्य र जिम्मेवारीको विषय हो!यसलाई छिटो टुंग्याऊँ!’आँखाको बदला आँखा’को हम्मुराबीयन सोचले हामी सबैको आँखा फुटाउनेछ! https://t.co/mNpw6WuaVy
— Baburam Bhattarai (@brb1954) August 4, 2019
