काठमाडाैं : दक्षिण अफ्रिकाका एक क्रिकेटरले शानदार बलिङ गरेर क्रिकेट जगतमा तहल्का मच्चाएका छन् । इंग्ल्याण्डमा जारी ब्लास्ट टि–२० लिगमा कोलिन एकरम्यानले एकै खेलमा ७ विकेट लिएर क्रिकेट जगतमा तहल्का मच्चाएका हुन् ।
लिसेस्टरशायरका कप्तान रहेका कोलिनले बुधबार राति बर्मिङ्घम बियर्सविरुद्ध ४ ओभरमा १८ रन दिएर ७ विकेट लिए । यो उपलब्धि हासिल गरेसँगै उनी टि–२० लिगमा सबैभन्दा उत्कृष्ट प्रदर्शन गर्ने बलर भएका छन् । कोलिन पार्ट टाइम बलर मात्र हुन् ।
यसअघि उनको उत्कृष्ट बलिङ २१ रन दिएर ३ विकेट लिएको थियो । कोलिनको शानदार प्रदर्शनमा शानदार बर्मिङ्घमविरुद्ध लिसेस्टरशायर ५५ रनले हराउन सफल भयो ।
