काठमाडाैं : भारतीय वर्मान कप्तान विराट कोहली अहिले विश्वका नम्बर वान क्रिकेटर हुन्। उनी नजमेको सायदै खेल होलान्। त्यहि भएर कोहलीका लागि यो दशक विश्व क्रिकेटका लागि समेत उल्लेख्य रह्यो। उनले वेस्टइंन्डिजविरुद्ध तीन खेलको सीरीजको तेस्रो एकदिवसीय खेलमा ११४ रनको शतकीय इनिङ खेलेसँगै नयाँ कीर्तिमान बनाए।
कोहलीले करिअरको ४३ औं शतक पुरा गर्दा दश वर्षमा २० हजार रन बनाउने पहिलो खेलाडी बन्न सफल भएका हुन् । उनले २०१० देखि २०१९ को अगस्ट मध्य सम्ममा २००१८ रन बनाए । कोहलीले यसअघि एक दशकमा सर्वाधिक धेरै रन बनाउने अस्ट्रेलियाका पुर्व कप्तान रिकी पोन्टीङको रेकर्ड तो’ड्न पनि सफल भए।
पोन्टीङले १८९६२ रन बनाएका थिए। कोहलीले वेस्टइंन्डिजमा चौंथो शतक समेत पुरा गरे। उनी विन्डीजमा सर्वाधिक धेरै ४ शतक लगाउने ब्याट्सम्यान समेत हुन्। उनले अस्ट्रेलियाका पुर्व ओपनर म्याथ्यु हेडनको रकेर्डपनि तो’डे। हेडनले विन्डीजविरुद्ध ३ शतक प्र’हार गरेका थिए।
दक्षिण अफ्रिकाका पूर्व खेलाडी हाशिम अमला र इंग्ल्यान्डका जोए रुटको नाममा पनि समान ३–३ शतक रहेको छ। भारतका लागि कोहली बाहेक अन्य दुई खेलाडीले पनि एक दशकमा १५ हजार रन भने पुरा गरेका छन्। सचिन तेन्दुलकरले १५९६२ रन बनाएका थिए।
त्यस्तै राहुल द्रबिडलेपनि सोहि दशकमा १५८५३ रन बनाए । एक दशकमा १५ हजार बढी रन बनाउनेमा भारतका तीनसहित श्रीलंकाका महेला जयवद्धने र कुमार संगाकारा रहेका छन्। त्यसतै दक्षिण अफ्रिकाका ज्याक कालिस र हसम अम्ला रहेका छन् भने अस्ट्रेलियका रिकी पोन्टीङमात्र रहेका छन्। एकदिवसीय खेलमा कप्तानको रुपमा कोहलीले २१ औं शतक प्र’हार गरे।
जुन उनी कप्तानका रुपमा सर्वाधिक शतक प्र’हार गर्ने खेलाडीको दोस्रो नम्बरमा रहे। उनी अघि पोन्टीङलेनै कप्तानका रुपमा सर्वाधिक २२ शतक प्र’हार गरेका छन्। उनले २२० इनिङ खेलेका थिए। कोहलीले भने केवल ७६ इनिङमानै २१ शतक प्र’हार गरीसकेका छन् ।
एक टिमविरुद्ध ९ शतक
कोहलीले वेस्टइंन्डिजविरुद्ध ९ शतक प्र’हार गरेका छन्। उनी कुनै एकटिमविरुद्ध सर्वाधिक ९ शतक प्र’हार गर्नै दोस्रो भारतीय खेलाडी हुन्। उनले सचिनको रेकर्ड बराबरी गरे।
सचिनले अस्ट्रेलियाविरुद्ध ७० इनिङमा ९ शतक प्र’हार गरेका थिए। तर कोहलीले यो उपलब्धी केबल ३५ इनिङमानै भेटाउन सफल भए। उनले अस्ट्रेलिया र श्रीलंकाविरुद्ध समान ८–८ शतक प्र’हार गरेका छन् । सचिनले पनि श्रीलंकाविरुद्ध ८ शतक प्र’हार गरेका थिए।
