श्रीलंकाविरुद्ध रित गाैतमकाे अर्ध शतक, वर्षातका बाबुजुद पनि खेल जारी

काठमाडौं : ओपनर रित गौतमले एसीसी यू१९ एसिया कप क्रिकेट प्रतियोगितामा श्रीलंकाविरुद्ध अर्ध शतक पुरा गरेका छन् । रितले ७४ बलमा ४ चौका सहित अर्ध शतक पुरा गरेका हुन् । गौतमले क्याचआउट हुनु अगाडी ८५ बलमा ५४ रन जोडेका छन्। दिलशान मदुशंकाको बलमा रित कमिल मिशाराबाट क्याच भएका हुन्। रित आउट भएसँगै क्रिजमा अहिले हरि चौहान छन्।

रितको अर्ध शतकसँगै कोलोम्बोमा टस जितेर पहिला ब्याटिङ गर्ने निर्णय लिएको नेपालले ३३.१ ओभरमा १ सय ३१ रन बनाउँदा ३ विकेट गुमाएको छ । चौहान ९ र कप्तान रोहित कुमार पौडेल ४५ रनमा खेली रहेका छन् । ओपनर पवन सरार्फ ४ रनमा आउट भए । पवनलाई पाँचौ ओभरको चौथो बलमा मदुसनकाले विकेटकीपर कामिल मिश्राबाट क्याच गराउँदै पेभिलिएन फर्काए । मदुसनकालेनै सातौं ओभरको पाँचौ बलमा आशिफ शेखलाई ७ रनमा बोल्ड आउट गरे । वर्षाले केहि समय खेल अवरुद्ध हुँदा ५० ओभरबाट ४२ मा झारिएको छ ।

नेपालको प्लेइङ ११ : रोहित कुमार पौडेल(कप्तान), भिम सार्की, कुशल मल्ल, सागर ढकाल, आशिफ शेख, कमलसिंह ऐरी, रित गौतम, पवन सरार्फ, राशीद खान, सुर्य तामाङ, हरिबहादुर चौहान