भुटानविरुद्ध नेपालको शानदार जीत

काठमाडौं : नेपालमा जा’री साग पुरुष फुटबल अन्तर्गत पहिलो खेलमा नेपालले शानदार जीत निकालेको छ । भुटानलाई ४-० ले पराजित गर्दै नेपालले शानदार जीत निकालेको हो ।

खेलको पाँचौ मिनेटमा नेपालका लागि पहिलो गोल कप्तान सुजल श्रेष्ठले गरे । पहिलो हाफमा १-० ले अगाडि रहेको नेपालका लागि दोस्रो हाफको पाँचौ मिनेटमा कप्तान सुजल स्वयम्ले दोस्रो गोल गरे । सुजलले खेलको ५० औं मिनेटमा नेपालको अग्रता दोब्बर बनाए ।

खेलको ६६ औं मिनेटमा अभिषेक रिजालले हेडमार्फत् सुन्दर गोल गर्दै नेपालको अग्रता ३ शून्यले बढाए । खेलको ७७ औं मिनेटमा भुटानविरुद्ध मिच्चेन तामाङले चौथो गोल गरेका हुन् । तामाङको गोल नै नेपालको शानदार जितका लागि निर्ण’यक बन्यो । भुटानले केही प्रयास गरे पनि नेपालको जाली चुम्न सकेन ।

साग पुरुष फुटबल अन्तर्गत सोमबार भएको खेलमा भुटानले बंगलादेशलाई १-० ले हराएको थियो । यसअघि नै तीन अंक जोडिसकेको भुटानसँग नेपालले पहिलो खेल खेलेको हो । यो जीतसँगै नेपालले पनि तीन अंक जोडेको छ ।