बेलायती प्रधानमन्त्री जोनसन दम्पतिलाई पुत्रलाभ

काठमाडाैं, १७ वैशाख : केहीसमय अगाडी मात्रै काेराेनालाई जितेका बेलायती प्रधानमन्त्री बोरिस जोनसनलाई पुत्रलाभ भएको छ । जोनसनकी मङ्गेतर क्यारी साइमन्ड्सले आज छोरालाई जन्म दिएको त्यहाँका सञ्चार माध्यमले जनाएका छन् ।

अहिले आमा र बच्चा दुवैको अवस्था स्थिर रहेको प्रधानमन्त्रीका प्रवक्ताले बताएकी छिन् । केही दिनअघि मात्रै कोरोना भाइरसलाई जित्दै काममा फर्केका जोनसन बच्चा डे’लिभरी हुने समयमा अस्पतालमा नै थिए ।

५५ वर्षीय जोनसनले सन् २०१९ को अन्त्यतिर ३२ वर्षीय साइमन्ड्ससँग इन्गेज्मेन्ट गरेका थिए । गत मार्चमा साइमन्ड्स ग’र्भवती भएको सार्वजनिक गरिएको थियो। प्रधानमन्त्री निवास डाउनिङ स्ट्रिटमा बिना विवाह प्रवेश गर्ने उनीहरु पहिलो जोडी हुन्।

जोनसनले यस अघि दुई विवाह गरेका थिए भने दुवैसँग डि’भोर्स गरेका थिए । उनका यसअघि चार सन्तान रहेका छन् । जोनसनले पहिलो विवाह अल्लेगरा मोसटीयन ओवेनसँग सन १९८७ मा गरेका थिए भने उनीहरुको १९९३ मा डि’भोर्स भएको थियो । त्यसपछि १९९३ मा मारिना वीलरसँग विवाह गरेका थिए । मारिनासँग जोनसनको यसै बर्ष डि’भोर्स भएको थियो ।