आजै थप ३ जनामा कोरोना पुष्टि

काठमाडौं: नेपालमा थप ३ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रलाया अनुसार प्रदेश १ को विराटनगर महानगरपालिकामा २ जना र धनकुटाका एक जनामा कोरोना संक्रमण देखिएको हो । यो संगै नेपालमा कोरोना संक्रमित को संख्या २९५ पुगेको छ ।

विराटनगरका ३६ बर्षका पुरुष र २९ बर्षकी महिला रहेका छन् भने धनकुटाका ३४ बर्षकी महिलाको आइतवार वीपी कोइराला स्वास्थ्य विज्ञान प्रतिष्ठान प्रयोगशालामा पीसीआर टेष्टको रिपोर्टमा कोरोना पोजिटिभ देखिएको मन्त्रालयले जनाएको छ ।

उनीहरुको स्वास्थ्य अवस्था सामान्य रहेको र उनीहरुलाई विराटनगर स्थित कोरोना उपचार केन्द्रमा ल्याउने तयारी भइरहेको सो अस्पतालले जानकारी दिएको छ । प्रदेश १ मा कोरोना संक्रमतिको संख्या ३९ पुगेको छ भने १७ जना डिस्चार्ज भएर गएका छन् । १९ जनाको उपचार भइरहेको छ ।

कोरोना उपचार केन्द्रमा उपचार गराइरहेका संक्रमितहरु सवै जनाको स्वास्थ्य अवस्था सामान्य रहेको उपचारमा संलग्न डाक्टरहरुले जानकारी दिएका छन् । यस अघि प्रदेश १ मा उदयपुरका ३३ जना, झापामा २ जना, भोजपुरमा १ जना, मोरङमा २ जना र धनकुटामा १ जना कोरोना सक्रकित भेटिएका हुन ।