काठमाडौँ, ११ असारः सांसद तथा नेकपाकी नेतृ गंगा चौधरीले नागरिकता विधेयक ऐन पारित भइसके पछि नेपाल र भारतको सम्बन्ध बिग्रन्छ भनेर यसको विरोध गर्ने नेताहरुलाई भनिन्,’नागरिकता विधेयक ऐन भारतको लागि मात्र होइन् यो अरु देशसँग पनि लागु हुन्छ।’
भारतको चेली नेपालमा विहे गरेर आए डाएरेक्ट नागरिकता नदिए सम्बन्ध बिग्रने र नेपाली चेलीले भारतमा विहे गरेर गएपछि ८/१० वर्ष पर्खनु पर्दा सम्बन्ध नबिग्रने कहाँको नीति हो भनेर आक्रोश व्यक्त गरेका छन्।
यो ऐन पास भएपछि भारत र नेपाल सम्बन्ध बिग्रन्छ भन्ने डरले नेताहरूले यसको बिरोध गरेको उनले बताइन्।उनले भनिन्, ‘ती नेताहरुले भोटको खेती गर्नलाई बोलेको तर तिनीहरूको भित्री मनले बोलेका छैनन्। ‘
नागरिकता राष्ट्रलाई एक ठाउँमा बाध्ने एउटा नियम भएकाले नागरिकताको सवाललाई कहिल्यै पनि कमजोर बनाउँन नहुने सांसद चौधरीले बताएकी छिन्। ‘कानुन भावनामा बगेर बनाउने चिज होइन् , कानुन राष्ट्र हितको लागि बनाउँनुपर्छ।’ उनले भनिन् ‘यदि मेरो छोराले पनि विदेशी बुहारी भित्र्याउछ भने नेपाली नागरिकता पाउँन सात बर्ष कुर्नु पर्छ।कानुन समग्र नेपाली नागरिकको लागि हुनुपर्छ व्यक्तिको लागि होइन्। ‘
उनी अहिले राष्ट्रप्रमी नेतृको रुपमा निकै चर्चाचामा रहेकी छिन्। भारतले गरेको नाकाबन्दीको वेलामा भारतमा गएर भात खाने नेपालतिर ढुङ्गा हान्ने राष्ट्रवाद नभएको उनले बताइन्। ‘मलाई राजनिति गरेर खाउँला भन्ने छैन् तर म सडकबाट भए पनि राष्ट्रको निम्ति आवाज उठाउने छु,’ उनले भनिन्।
