सुर्खेत १३बैशाख । कोरोनो संक्रमितको संख्या बढ्दै गएपछि सुर्खेतमा एक हप्ताका लागि निषेधाज्ञा लागु हुने भएको छ । मंगलबार वैशाख १४ गतेदेखि एक हप्ताका लागि निषेधाज्ञा गर्न जिल्ला कोभिड–१९ संकट व्यवस्थापन समितिले जिल्ला सुरक्षा समितिलाई सिफारिस गरेको हो।

सिफारिस अनुसार सुरक्षा समितिले पनि निषेधाज्ञा घोषणा गर्न लागेको सुर्खेतका प्रमुख जिल्ला अधिकारी छविलाल रिजालले जानकारी दिए।‘कर्णाली प्रदेशको राजधानी समेत रहेको सुर्खेतमा कोभिडका बिरामी दिनप्रतिदिन बढ्दै जान थालेपछि निषेधाज्ञा जारी गर्न लागिएको छ,’ प्रजिअ रिजालले भने, ‘अस्पतालहरुले धान्नै नसक्नेगरी बिरामी बढेका छन्, प्रदेश अस्पतालमा त अक्सिजनसमेत अभाव भईसकेको छ।