वडाध्यक्षले प्रयोग गर्दै आएको चोरिको मोटरसाइकल पक्राउ

जाजरकोट ०६ बैशाख :जाजरकोटको नलगाड नगरपालिका वडा नम्बर १, का वडा अध्यक्ष हिरालाल पुनले चोरीको मोटर साइकल चढ्र्दै आएको खुलेको छ । उनले लु ५९ प ०२१७ नम्बर प्लेटको मोटर साइकल लामो समय देखि चढ्दै आएको स्थानियले बताएका छन् ।
सो मोटर साइकल गोर्खा जिल्लाको रहेको र चोरी गिरोहले जाजरकोट ल्याएको खुलेको छ । जाजरकोट प्रहरीले मोटरसाईकल नियन्त्रणमा लिएर अनुसन्धान भइ रहेको जनाएको छ । यातायात कार्यालयबाट आबश्यक कागजात, कस्को नामको हो भन्ने अनुसन्धान भइ रहेको डिएसपी सन्तोस निरौंलाले बताए । वेवारिसे अवस्थामा बाटोमा राखिएको अवस्थामा उक्त मोटरसाईकल प्रहरीले नियन्त्रणमा लिएको हो । मोटरसाईकल कसको हो । कसले चलाईरहेको थियो भन्ने विषयमा अनुसन्धान भैरहेको डिएस्पी निरौलाले बताए । वडा अध्यक्ष पुनले यस अघि प्रयोग गर्दै आएको वडाको सरकारी मोटर साइकल कहाँ गयो भन्ने कसैलाई जानकारी छैन । वडा अध्यक्ष जस्तो व्यक्ती नै गलत कार्यमा संलग्न छन भने अरुले झन के गर्लान ? २०७४ को स्थानीय तह निर्वाचनमा उनी माओबादी केन्द्रबाट वडा अध्यक्ष बनेको हुन ।

सम्बन्धित खवर

Back to top button